AQSh prezidenti Barak Obama kelayotgan seshanba kuni Voshingtonda Isroil bosh vaziri Binyamin Netanyahu bilan uchrashadi. 17 mart kuni esa Falastin rahbari Mahmud Abbos bilan uchrashuv belgilangan. Agar Isroil-Falastin muzokaralari muvaffaqiyatsizlikka uchragudek bo’lsa, Obama uchrashuv chog’ida bu ikki rahbardan buning hisobini so’rashi kutilmoqda.
“Haaretz” gazetasining juma kungi sonida yozishicha, Obama Isroil bosh vaziri Netanyahudan – Agar Isroil-Falastin muzokaralari muvaffaqiyatsizlikka uchragudek bo’lsa – mustaqil Falastinning BMTdagi mavqeining to’lqinlanishiga qanday ko’nikishi, Isroilga nisbatan halqaro baykotlar to’lqinini qanday to’xtatishi va Yevropadagi tutgan o’rnini yo’qotishiga qanday ko’nikishi haqida so’raydi.
Prezident Abbosdan esa agar Qo’shma shtatlar va Yevropa ittifoqi Falastinga ko’rsatayotgan yordamlarini kesib qo’ysa, ishchilarning yuz minglagan oylik maoshlarini qanday to’lashga qodir bo’la olishi haqida so’raydi.
Gazetaga ko’ra, Obamaning ikki tarafga ham demoqchi bo’layotgani shuki, ularning oldida ikki tanlov bor: Yo ular baravariga AQShning rejasi amalga oshishi uchun unga yordam beradi yoki muzokalar muvaffaqiyatsizlikka uchragandan so’ng o’zlarini kutayotgan voqega ko’nikishga majbur bo’ladi.
Gazetaning ishora qilishicha, Netanyahu Oq uydagi uchrashuvda Falastin mavzusini Eronning yadro dasturi mavzusiga burib yuborish niyatida. Ammo Oq uy muzokara Falastin haqida bo’lishini aniq belgilab qo’ygan.
