Ishchi guruhi vakillarining xabar qilishiga ko’ra, Qirg’iziston respublikasi Mudofaa kengashining kotibi Beyshenbay Junusov boshchiligida Mudofaa kengashi ishchi guruhining diniy sohada davlat siyosatining islox qilish bo’yicha birinchi yig’ilishi bo’lib o’tdi.
Mudofaa kengashining qaroriga muvofiq, ishchi guruhga davlat idoralari vakillari, mustaqil ekspertlar va diniy tashkilot vakillari kiritildi.
Yig’ilish davomida Mudofaa kengashi qarori bilan belgilangan topshiriqlarning amalga oshirish vaqti va tartibiga taalluqli masalalar muxokama qilindi. Jumladan, Qirg’iziston respublikasining diniy sohadagi davlat siyosatini 2012-2020 yillarga mo’ljallangan yangi Kontseptsiya tahririni ishlab chiqish, Qirg’iziston respublikasi din ishlari bo’yicha davlat komissiyasi, Ichki ishlar vazirligi va Davlat milliy xavfsizlik qo’mitasi bo’linmalari tarkibiy tuzilmalari faoliyatlarini analiz qilish, qonun hujjatlariga qo’shimcha va o’zgartirishlar kiritish bo’yicha takliflar ishlab chiqish, Qirg’iziston musulmonlari diniy boshqarmasi (muftiyot)ning vazifalarini analiz qilish masalalari ko’rib chiqildi.
Bundan tashqari, to’rtta ishchi guruhi hamda mazkur to’rt guruh ishlarini o’zaro muvofiqlashtiruvchi guruh tashkil etildi.
