Yunon matbuot manbalarida Isroil Yunoniston orqali Eronga F-4 rusumli harbiy samalyotning ehtiyot qismlarini sotganligi haqida ma’lumotlar sizib chiqdi. “Homeland Security Investigations” agentligi Isroildan Eronga ikki marta qurol yuborilganligini tasdiqladi. Isroil matbuotida ham bunday savdo ilk marotaba yuz bermayotgani bildirildi.
Britaniyaning “Telegraf” gazetasining yozishicha, AQSh ichki xavfsizlik vazirligi Isroilning Eronga qurol sotganlik da’vosi haqida tergov boshlagan. Isroil bilan Eron o’rtasida amalga oshirilgan qurol-yaroq savdosi bu ikki davlat o’rtasidagi dushmanlik parda ortida boshqacha ekanligi va ular o’rtasida bir biriga bog’liq chambarchas aloqalar mavjud ekanligini yana bir bor tasdiqlaydi.
Yunoniston matbuoti Isroilning 2012 yil dekabr va 2013 yil aprel oylarida ham ikki marta Eronga qurol sotganligini olg’a surdi. Xabarda aytilishicha, Isroildan Eronga yuborilgan harbiy jihozlar Isroilning Binyamina-Givat Ada mintaqasidagi aeroportdan samalyotga yuklangan. Yuk Isroildan to’g’ri Eronga uchmasdan, avval Yunonistondagi “Tassos Karras SA” shirkatiga yuborilgan va yunon mas’ullari tarafidan qabul qilib olingan.
Shu kunlarda AQSh idorasi va G’arb davlatlari yadro dasturi bo’yicha Eron mas’ullari bilan muzokaralar olib borishiga Isroil qattiq qarshilik qilib kelmoqda. Bu xabar Isroil tarafidan Eronning yadroviy dasturi naqadar xavfli ekanligi haqida butun dunyoga jar solinayotgan bir paytda matbuotda sizib chiqdi. Mutaxassislarning fikricha, isroilliklarning ovozini o’chirish uchun bu xabar atayin AQSh tarafidan sizdirilgan.
