Rossiya prezidenti Vladimir Putin Misr mudofaa vaziri Abdulfattoh as-Sisiy bilan Moskvada uchrashib, uni Misr prezidentligiga nomzod sifatida qo’llab quvvatlashini bildirdi.
“O’zimning va butun Rossiya xalqining nomidan sizga muvaffaqiyat tilayman”, dedi Putin Sisiyga
Biroq Misr mudofaa vaziri Abdulfattoh as-Sisiy shu vaqtgacha Misr prezidentlik sayloviga o’z nomzodini qo’yganligini ochiq e’lon qilgan emas.
Shuningdek as-Sisi Moskvada hamkasbi Sergey Shoygu va tashqi ishlar vaziri Sergey Lavrov bilan ham uchrashdi. RIA Novosti axborot agentligining yozishicha, As-Sisi va Shoygu o’rtasida havo, dengiz va quruqlikda mushtarak manyorv o’tkazish uchun bitimga imzo chekishgan.
Putinning as-Sisiy bilan uchrashuvi va Putin uni qo’llab quvvatlashi ortidan bir necha soat o’tib, AQSh tarafidan aks sado yangradi. Qo’shma shtatlarga ko’ra, Misr prezidentini tanlash Rossiya prezidentini ishi emas.
AQSh tashqi ishlar vazirligining so’zlovchisi Mariya Harf matbuot konferentsiyasi o’tkazib, Moskvaning Qohiraga yaqinlashuvi AQSh-Misr aloqalariga putur etkaza olmasligini ta’kidladi.
Harf Qohiraning boshqa davlatlar bilan aloqa o’rnatishda erkin ekanligiga ishora qilar ekan, “Moskva bilan Qohiraning tobora yaqinlashuvi AQSh bilan Misr o’rtasidagi qadimiy, kuchli, uzoq tarixga borib taqaladigan aloqalarga aslo zarar etkaza olmaydi”, dedi.
Harbiy va iqtisodiy jihatdan Misrni qo’llab quvvatlash qudratiga ega yagona davlat – bu Qo’shma Shtatlar ekanligini ta’kidlagan Harf, “bu ish ikki davlat o’rtasidagi mushtarak manfaatlarga ta’sir qilmasligini” bildirdi.
