“Birjevoy lider” jurnali xabar qilishicha, Toshkent shahrining Mirobod tumanida joylashgan “Miran International” xususiy mexmonxona ishchisiga joynamoz uchun eng kam ish haqining (EKIH) bir yuz ellik barobari (14,5 million so’mga yaqin, rasmiy kurs bo’yicha 6,5 ming dollar) miqdorida jarima solingan.
Mahalliy OAV Toshkentdagi nomini oshkor qilmagan o’z manbalariga tayangan holda ma’lum qilishicha, yanvar oyi boshlarida yuqorida nomi zikr qilingan mexmonxonaga to’satdan huquqni muhofaza qiluvchi organ xodimlari kelib, keng ko’lamli tintuv o’tkazishgan. Mavjud taxminlardan biri, mexmonxonadan engil tabiatli ayollarni mijozlari bilan ushlashlik bo’lgan. Militsiya xodimlari hech qanday ayollarni topa olishmagan, ammo yaqin vaqtlarda bo’lgan ijarachilardan biri tomonidan unutib qoldirilgan joynamozni topishgan.
Biroz vaqt oldin mexmonxona xodimlari ijarachilar unutib qoldirgan – egasi talab qilishi mumkin bo’lgan – buyumlar ro’yxatga olinadigan maxsus jurnalga bu joynamozni ham kiritib qo’yishgan edi. Bu ishda militsiya xodimlari mexmonxona xodimlaridan birini jazolashga qaror qilishdi. Ertasi kuni Mirobod tumanlararo sudi bu xodimni EKIH 150 barobari miqdorida jarimaga tortish to’g’risida qaror chiqardi. Shahar sudi berilgan shikoyat arizasini ko’rib chiqib, qarorni o’z kuchida qoldirdi. Sud aynan qaysi modda bo’yicha qaror chiqargani ma’lum emas.
Turkiston: Karimov boshchiligidagi O’zbekiston hukumati Islom va musulmonlarga qarshi kurashda, Islomni jamiyatdagi har qanday ko’rinishini yo’q qilishga bo’lgan urinishlarida o’z imkoniyatlaridagi barcha iflosliklarni ishga solishmoqda.
Avval erkaklarni saqol qo’yishi, oq do’ppi kiyishi va ayollarni ro’mol o’rashi ta’qiqlangan bo’lsa, keyinchalik “din ulamolari” fatvolariga muvofiq maktab, kollej va litsey o’quvchilarini namoz o’qishi va masjidlarga kelishi ta’qiqlandi. Shundan so’ng ishxonalarda, vokzal va umumiy ovqatlanish joylarida joylashgan namozxonalar yo’q qilindi. Masjidlar oldida va kitob do’konlarida namoz o’qishni o’rgatadigan va oz bo’lsada diniy ilm xosil qilishga olib kelishi mumkin bo’lgan boshqa kitoblarni sotilishi – garchi bu kitoblar chop etilishiga “mutaqillik” boshlarida hukumat tomonidan rasman ruxsat berilgan bo’lsa ham – ta’qiqlandi. Faqat shu bilangina kifoyalanib qolmagan bu manfur rejim bozor va magazinlarda hijob, joynamoz sotishni man qildi. Bunday ishlar bilan shug’ullangan tadbirkorlarni mol-mulki musodara qilinib, o’zlari katta miqdordagi jarimaga tortildi. Endi esa navbat – garchi egasi aniq bo’lmasada – joynamozlar uchun jarimaga tortishga etib keldi.
Yaqin vaqtlarda militsiya xodimlari va sotqinlar to’dasi bo’lgan mahalla posbonlaridan iborat maxsus guruh uyma-uy yurib kimni uyida Qur’on, Hadis kitoblari va joynamozlar borligini tekshirishlari va bu narsalarni saqlaganlik uchun jinoiy javobgarlikka tortishlari ham hech gap emas.
