Ukraina poytaxti Kievda hokimiyat binosiga qarab yurish qilgan namoyishchilar bilan militsiya o’rtasida to’qnashuvlar davom etmoqda.
Kecha namoyishchilar Ukraina Oliy Radasida 16 yanvar kuni qabul qilingan huquqiy normalarga qarshi norozilik bildirib hukumat binolari joylashgan Grushevskogo ko’chasiga qarab yurishni boshlagan. Davlat qurolli kuchlarining hukumat qarorgohiga yo’l olgan minglagan namoyishchilar oqimini to’sganligi sababli namoyishchilar bilan davlat kuchlari o’rtasida to’qnashuv kelib chiqqanligi aytilmoqda.
Xabarlarda aytilishicha, namoyishchilarga qarata noma’lum kishilar tarafidan ovozli granatalar va o’zidan gaz chiqaruvchi shashkalar otilgan. Bir qancha niqobli kishilar namoyishchilvrni qo’lga olish bilan ovora. Ukraina xavfsizlik xizmati poytaxt Kievda namoyishchilarni tarqatish uchun ko’zdan yosh oqizuvchi gaz ishlatgan.
Davlat ichki ishlar vazirligi esa xavfsizlik kuchlarining hayotiga xavf tug’iladigan bo’lsa, qurolni ishga solishi mumkinligidan ogohlantirmoqda. Ukraina ichki ishlar vazirligi militsiyaga hujum qilgan o’nlab faollarning hibsga olinganini xabar qildi.
So’nggi bir bir necha soatning ichida “Berkut” maxsus kuchlarini va ichki qo’shinlarni tashishga mo’ljallangan bir talay mashina yoqib yuborilgani va “Dinamo” stadioni yonida joylashgan kassa binolari ham yonib ketgani xabar qilindi.
Namoyishchilar va militsiya o’rtasida to’qnashuvlar to’xtamayotgan bir vaqtda prezident Yanukovich muxolifat liderlari bilan muzokaralar o’tkazishga rozi bo’lganligi haqida xabarlar yuzaga keldi. Prezident Yanukovich bilan uchrashgan muxolifat liderlarlarining ta’kidlashicha mamlakat rahbari muxolifat bilan uchrashuvlarga rozi ekanligini bildirgan.
Turkiston: Rossiya uchun Ukraina o’ta muxim strotegik axamiyat kasb etadi. Ukrainadagi vaziyat Rossiya manfaatlariga zid yo’naltirilayotgani, Putinni u erdagi vaziyatga jiddiy aralashishga undadi. U eski va sinalgan provokatsiya qilish uslubini ishga solib, tinch mitingni noqonuniy ekstremistik xarakatga aylantirishga qattiq xarakat qilmoqda. E’tibor berayotgan bo’lsanglar, Yevropaparast appozitsiya liderlari xalqni agressiv xarakatlardan to’smoqchi bo’lib ketma ket bayonotlar qilishlariga qaramay, xalq siyosiy tizgindan chiqib bormoqda. Klichko prizidentga murojaat qilib bu kabi provokatsiyalarni va kuch strukturalarining xarakatlarini to’xtatishni talab qildi.
