Rossiyada musulmonlar hukumat va xavfsizlik kuchlarining tinimsiz hujumiga duch kelmoqda.
Internet saytlarida tarqagan bir xabarda Rossiyada musulmonlarga nisbatan qo’llanilayotgan zulm borgan sari ortib borayotgani isbot-dalillari bilan keltiriladi.
Rossiya 1 telekanalining xabar qilishicha, Stavropol shahrida joylashgan qizlarga Qur’on va hadisdan ta’lim beradigan xususiy madrasada Rus xavfsizlik xizmati va razvedka xodimlari tomonidan tintuv o’tkazildi.
YouTube portalida joylashtirilgan video lavhada xavfsizlik xodimlarining muslima qizlarni so’roq qilganligi va ularni devorga qaratib qo’yib, qo’llarni kutargizib qo’yganligi aks ettiriladi. Video lavhaning oxirida ovozi o’zgartirilgan FSB xodimi qorong’u erda turib bu erdagi o’quvchi qizlarni radikalizmga tayyorlanayotganligini da’vo qiladi.
Shuningdek, xabarda aytilishicha, FSB xodimlari hadis va Qurondan ta’lim beradigan va muslima qizlarga diniy ibodatlarini o’rgatadigan maskandan qonunga zid biror narsa topa olmagach, o’zlari oldindan tashlab qo’ygan disk va kompyuterni kitoblar orasidan chiqarishgan.
Madrasa mudarrisasi bu disk va kompyuterni birinchi marta ko’rib turganligini va uni kimdir u erga quyib qo’yganligini aytadi.
Dog’iston huquq himochilari tarafidan berilgan bayonotda ko’ra, mintaqada Islomni qabul qilgan ruslarga nisbatan xavfsizlik kuchlari va razvedka xodimlari tarafidan tazyiqlar o’tkazilmoqda.
