Xitoy poytaxti Pekinda joylashgan Tiananmen maydonida portlash sodir bolgan va besh kishi o’lib, qirqdan ortiq kishi jarohatlangan portlashdan bir hafta o’tgandan so’ngra hukumatga aloqador turli organlar bir biriga to’g’ri kelmaydigan, ishonchsiz, ikkilantiruvchi ma’lumotlar beldishda davom etmoqda.
Xitoy hukumati Tiananmen hodisasiga bog’liq rasmiy ochiqlama bermagan bo’lsada, biroq davlatga oid rasmiy gazetalarda musulmon uyg’urlar tahdid etilmoqda.
Xitoy axborot agentligiga oid rasmiy “Yer kurrasining vaqti” nomli gazetada Xitoy rahbariyati fikr-mulohazalarini ifodalagan bir xabar tarqatildi.
“Xitoy bir jon-u bir tan bo’lib terrorizmga qarshi turishi lozim” sarlavhali maqolada uyg’urlar umumiy ravishda tahdid etildi. Tiananmendagi portlash uch Uyg’ur tarafidan amalga oshirilganini da’vo qilgan gazeta sharqiy Turkiston va Xitoyda yashayotgan uyg’urlarga qarshi yangi xavfsizlik chora tadbirlari ko’rilishi haqida yozar ekan, bunga o’xshash hodisalardan Uyg’urlar eng ko’p zarar ko’rishini ta’kidlaydi.
Tiananmen hodisasini yodga oladigan bo’lsak, dushanba kuni maydon yoqalab ketayotgan avtomobil birdan trotuarga chiqib, odamlarni bosgan. So’ng mashina alanga olgan. Natijada ikki sayyoh o’lgan. Avtomobildagi uch kishi ham nobud bo’lgan. Politsiya ma’lumotiga ko’ra, olomonga o’zini urgan mashinada erkak haydovchi bilan birga uning turmush o’rtog’i va onasi ham bo’lgan. Huquq-tartibot organlari ularni uyg’urlar demoqda.
Nomi sir qolishini shart qilgan mutaxassis bu ish uyg’urlar tarafidan amalga oshirilganiga ishonmaydi.
“Musulmonlar onalari va ayollarini o’limga otmaydi, balki ularni himoya qilish uchun kerak bo’lsa, o’z jonini fido qiladi. Men uzoq yillar Xitoy boshqaruv markazida va adliya tizimida ishladim, boshqaruv sistemasini yaxshi bilaman. Xitoyliklar bunday stsenariylar bo’yicha ustasi farang. Ularning siyosiy tarixi bunday stsenariylar bilan to’lib toshgan. Bu portlatishni uyg’urlar amalga oshirganiga ishonmayman”, deydi mutaxassis.
