Misrda “Musulmon birodarlar” jamoasining liderlari ustidan sud ishini boshlagan mahkama a’zolari bu da’vodan voz kechganligi ma’lum qilindi.
Sud manbalaridan olingan ma’lumotga ko’ra, mahkama hay’ati “Musulmon birodarlar” jamoasiga rahbarlik qilib kelgan Muhammad Badi’ va uning yordamchilari Hayrat-ush Shotir hamda Rashid Beyyumi doxil olti rahbar ustidan qo’zg’atilgan jinoiy ishni to’xtatishga doir qaror qabul qilgan.
Da’vodan voz kechish qarorini uch sudyadan tashkil topgan mahkama hay’ati nomidan sudya Muhammad al-Karmuti ochiqladi.
Mahkama hay’ati da’volarni tinglash majlisida ichki ishlar vazirligi tarafidan aybdorlarning xavfsizligi ta’minlanmasligi sababli shunday qaror qabul qilinganligi olg’a surilmoqda.
Misr qonunlariga ko’ra, mahkama hay’ati da’vo jarayoniga bog’liq to’siq yuzaga kelgan paytda sabab ko’rsatmay da’vodan voz kechishi mumkin.
“Musulmon birodarlar” jamoasining liderlari 30 iyunda namoyishchilarni o’ldirishlikka tashviq qilish ayblovi bilan qamoqqa olingan edi. Qohira shikoyat (apellyatsion) sudi bu da’vo uchun yangi mahkama hay’ati tashkil qilishi kutilmoqda.
