Associated Press agentligini xabar qilishiga ko’ra, Afg’oniston sharqida afg’on xavfsizlik kuchlari formasidagi odam uch nafar amerikalik harbiy xizmatchini otib tashlagan.
Hodisa Paktiya viloyatini markazi bo’lgan Gardez shahridagi afg’on armiyasi bazasida bo’lgan. Bu mintaqa Pokiston bilan chegara yaqinida joylashgan, u erda “Tolibon” mujohidlari bilan to’qnashuv tez-tez sodir bo’lib turadi. Amerika qo’mondonligi hodisa tafsilotlari to’g’risida ma’lumot berishdan bosh totdi, xozircha askarlarni xalok bo’lgani haqida ularning yaqinlariga xabar berilmaydi.
2012- yil mobaynida shunga o’xshash holatlarda Afg’onistonda 62 amerikalik harbiy xalok bo’lgan edi, bu ko’rsatkich bir yil oldingiga qaraganda deyarli ikki barobar ko’p. 2013-yilda esa afg’on xavfsizlik kuchlari formasini kiyib olgan noma’lum shaxslar 11ta chet ellik harbiy xizmatchini otib o’ldirishgan. Ayrim hollarda mujohidlar afg’on harbiylari yoki politsiyasi formasini kiyib olishgan bo’ladi, ammo o’z ajnabiy xizmatdoshini otib tashlash holatlari ham tez-tez uchrab turadi.
