Misrning avvalgi sobiq prezidenti Husni Muborakning o’nlagan tarafdorlari Qohiraning janubiy qismidagi «Tora» turmasi darvozasi yonida to’planganlar. Turmaga Muborakning advokati Farid ad-Dib ham yo’l olgan. Sobiq prezident Muborakning ozod qilinishi haqidagi xabardan ruhlangan uning tarafdorlari o’tkinchilarga shirinliklar ulashmoqda. Bugun, payshanba kuni Misr prokuraturasi sobiq prezident Husni Muborakni turmadan ozod qilish haqida sanktsiya berdi.
«Al-Xayot» telestantsiyasi ma’lum qilishiga ko’ra, 2.5 yillik maxbuslikdan ozod bo’lgach, sobiq prezident qo’riqchilar kuzatuvida «Maadi» harbiy gospitaliga yohud istefodagi harbiylarga xizmat ko’rsatuvchi tibbiy markazga jo’nab ketadi.
1981-2011 yillar davomida Misrni boshqargan 85 yoshli siyosatchi uning 2011 yil yanvaridagi namoishchilarni o’qqa tutishlikka aloqadorligi xususida yakuniy hukm qabul qilingunga qadar uy qamog’ida qolib turadi. Bu sud ishi xali yopilganicha yo’q va u 25 avgustda davom etdiriladi. Arafada undan korruptsiyada ayblovlarning oxirgi bandi olib tashlangan.
