Livanda yuz bergan terrorchilik amaliyotidan so’ng sukut saqlab turgan mamlakatlar terrorchilikni qo’llab quvvatlamoqdalar. Mazkur bayonot bilan «Hizbulloh» harakati etakchisi Hasan Nasrullo chiqish qildi.
“Biz ba’zi mamlakatlarning saqlab kelayotgan sukutini qoralaymiz. Oxirgi kunlar voqealari ularning terrorchilikni qo’llab quvvatlashliklarini tasdiqlab turibdi”, – dedi u.
Bu o’rinda Nasrullo shuningdek, agar kerak bo’lsa o’zi Suriyaga borib hukumat qo’shinlari tarafida turib jang qilishligini bayon qildi. Xususan «Hizbulloh» etakchisi 21 kishining xayotini olib ketgan terrorchilik amaliyotidan keyin uning partiyasi a’zolari saflari yanada jipslashganligiga va o’z tarafdolarining Livan bilan qo’shni mamlakatda harbiy harakatlarning davom etishi istagida ekanligiga ishora qildi. “Agar janga borishlik kerak bo’lsa, men boraman”, – dedi u.
Payshanba kuni Bayrutda sodir etilgan terrorchilik amaliyoti natijasida 21 kishi halok bo’lgan va 350ga yaqin odam turli jarohatlar olgan. Terrorchilik amaliyoti asosan musulmon-shiyalar istiqomat qiladigan rayonda yuz bergan. Halok bo’lganlar orasida ayollar va bolalar bor. Bu amaliyot mas’uliyatini avval ma’lum bo’lmagan «Sariyat Oisha» (Oisha brigadalri) guruhi o’z zimmasiga olgan.
