AQSh bilan Rossiya o’rtasidagi munosabatlar sovuq urush davrini eslata boshladi. AQSh prezidenti Barak Obama Moskvaga rejalashtirilgan rasmiy tashrifini bekor qildi. Putinning amerika maxsus xizmati sobiq agenti Edvard Snoudenga vaqtinchalik boshpana berish haqidagi qarori ikki davlat o’rtasidagi munosabatlarning sovuqlashuviga yana bir sabab bo’ldi.
Qirg’iziston uchun bu narsa 2014 yilning yoziga qadar bo’lgan vaqt, MANAS aeroportidan Pentagon bazasini olib chiqib ketishiga bog’liq, ayniqsa ahamiyatli bo’lishini anglatadi. O’tgan xaftada Yaqin Sharq hamda Markaziy Osiyo xususida mas’ul, AQSh armiyasi Markaziy qo’mondonligi boshlig’i general Loyd Oustin Tojikiston va O’zbekistonga tashrif buyurdi. Qo’mondonning Markaziy Osiyodagi AQShning yagona harbiy bazasini ziyorat qilishdan bosh tortishligi Pentagonning MANAS bazasi xususida xozirgi mamlakat rahbariyati bilan muzokaralar olib borish uchun urinishlarini tark qilganiga ishoradir.
Snouden fosh qilgan ma’lumotlar ko’pdan beri gumon qilinib kelinayotgan haqiqatni tasdiqladi, ya’ni AQSh hukumati o’z fuqarolarining telefon va Internet orqali olib borgan aloqalarini yashirin kuzatishligi bilan mamlakati Konstitutsiyasini buzub kelmoqda. Xullas, hukumat xalqaro qonunlar u yoqda tursin, hatto o’zining konstitutsiyasiga ham tupurgan. Mana shu hukumat, qolaversa Pentagon, harbiy bazasini deb Qirg’izistondagi siyosiy vaziyatga qanday munosabatda bo’larkin?
