Saudiya arabistoni qirol oila a’zolaridan biri Shahzoda Xolid bin Farhon rejimga qarshi chiqib, muxolifatdagi Islomiy Isloh Harakatiga qo’shilganini e’lon qildi. Internet ijtimoiy tarmoqlaridan biri orqali o’zining Saudiya rejimini tark qilganini bildirgan shahzoda Xolid Qirollikning boshqa yosh shaxzodalarini va o’zi bilan ayni tushunchada bo’lgan boshqa shahzodalarni ham Alloh rizosi uchun ovozlarini chiqarishga chaqirdi.
Shaxzoda Saudiya rejimining bosimi ostida juda og’ir azoblar chekkanligi haqida gapirib, “og’ir tajribalarimdan kelib chiqib, haqiqatlarni o’rgandim. Qirol oilasi butun davlatni o’zning mulkidek ko’radi”, deya ta’kidladi.
Qirollik oilasini tark etib muxolifatdagi Islomiy Isloh Harakatiga qo’shilganini bayon qilgan shahzoda Xolid bu ishidan g’ururlanishini bildirdi.
Shuningdek, Shahzoda Xolid mavjud rejimning o’zi va oilasiga bergan azoblarini muxolifatdagi Isloh Harakatiga oid telekanalda oshkor qilishini qo’shimcha qildi.
Vikipediya ma’lumotlariga qaraganda Saudiyadagi hukmron oilaning 25000 yaqin a’zosi bo’lib, ulardan 200 ga yaqini shahzoda unvoniga egadir. Hozirgi qirol Abdulloh bin Suad 63,2 milliard dollar boylik bilan (ru.wikipedia.org) dunyoning eng katta boylaridan hisoblanadi.
Turkiston:
Bu albatta Allohning nusrati. Payg’ambarimiz SAVning siyratlarini eslang, Makka ulug’larining ta’sirlanganidan keyin Islom rivojlandi. Ular butun boylik va obruylaridan voz kechishgan edi. Insha Alloh bu shaxzodalardan, ilgarigilarning dunyo va oxiratda erishgan natijalarini qo’lga kiritishidan umid qilamiz.
Bu ish Islom olami etkchi guruhini ta’sirlantirmay qo’ymaydi. Ular quvvat Islom tomoniga o’tayotganini va boshqa choralar qalbaki yamoqchilarga aylanib bo’lganini xayotlarida yorqin ko’rib turishipti. Lekin o’sha etakchi guruhsiz, ularni ishtirokisiz Islom jamiyat ichida ish olib bora olmaydi. Ular esa faqat quvvatdan ta’sirlanishadi. Alxamdulillah o’sha kun keldi.
