Qirg’iziston chegara xizmatining xabar qilishicha, 23 iyul soat o’n yarimlarda Jalolobod viloyati Axsi tumanining Jetizagara O’zbek-Qirg’iz chegarasida chegarachilar o’rtasida otishma kelib chiqqanligi sabablik bir o’zbek chegarachisi hayotdan ko’z yumdi.
Qirg’iz tomonining aytishicha, o’zbek chegarachilari noqonuniy ravishda Qirg’iziston hududiga 5 metr kirib kelganidan xabar topgan Qirg’iz chegarachilari ulardan Qirg’iziston hududidan chiqib ketishni talab qilishi orada janjal kelib chiqishiga sabab bo’lgan.
“O’zbek chegarachilari birinchi bo’lib qurol ishlatib, qirg’iz chegarachilarini o’qqa tutgan. Otishmada O’zbekiston Respublikasining bir chegarachisi halok bo’lgan, ikkinchi chegarachi yaralangan. Qirg’iziston tomonidan jabrlanganlar yo’q,- deb bildirdi Qirg’iziston Chegara xizmati rasmiysi Sajira Chokoloeva. Hozircha voqea yuzasidan O’zbekiston tomoni rasman o’z munosabatini bildirgani yo’q. Biroq ba’zi o’zbek axborot agentliklari Mast qirg’iz chegarachilari avtomatlardan o’zbek hamkasblarini otib tashlaganligi haqida xabar tarqatgan.
“Bugun 23 ilda Namangan viloyati hududida har doimgidek mast qirg’iz chegarachilari aybi bilan navbatdagi qonli voqea sodir etildi. Tish-tirnog’igacha qurollangan qirg’iz harbiylari O’zbekiston hududiga kirib kelgan va o’zbek chegara naryadiga qarshi hech narsa bilan asoslanmagan tarzda o’q otgan. Oqibatda bir o’zbek harbiysi voqea joyida halok bo’ldi, ikkinchisi esa og’ir ahvolda kasalxonaga keltirildi. Shifokorlarning aytishlaricha, uning hayoti jiddiy xavf ostida”, deyiladi podrobno.uz internet sayti xabarida.
