Misrning sobiq prezidenti tarafdorlari Muhammad Mursining o’z lavozimiga qayta tiklanishligini talab qilib shu oyning qolgan uch jumasida Qohirada ommaviy namoishlar o’tkazishlikni rejalashtirmoqda.
“Bu norozilik atsiyalarini o’tkazishlikka hech kim tarafidan bosim qilinayotgani yo’q. Ertaga, juma kuni Qohirada barcha qo’llariga Misr bayroqlari ko’tarib chiqishadi”, – deydi «Musulmon birodarlar» harakatining etakchilaridan biri Muhammad Baltagi.
Lavozimidan olingan prezident tarafdorlari bir xaftadan buyon mamlakatning bir qancha shaxarlarida muhlati cheklanmagan mitinglarni davom etdirishmoqda. Qohirada namoishchilar asosan Robia al-Adaviya masjidi qoshida hamda Qohira universiteti yonidagi Nahda maydonida yig’ilganlar.
Ma’lumotlarga ko’ra, respublika armiyasining Qohiradagi shtab-kvartirasi yonida yuz bergan Mursi tarafdorlari bilan harbiylarning dushanba kungi to’qnashuvida 52 kishi halok bo’lgan va 400 kishi jarohat olgan. «Birodarlarning» oliy ustozi Muhammad Badia hamda harakatning bir qancha etakchilariga qidiruv e’lon qilingan, ular namoishchilarni armiya inshoatlariga hujum qilishlikka targ’ib qilganlikda ayblanmoqda.
