O’z ochkuzligini qondirish uchun boshqa davlatlarni mustamlaka qilish Kapitalistik davlatlarning tabiatidir. Masalan, AQSh turli bahonalar bilan Afg’oniston va neftga boy Iroqqa chang soldi. Afrikadagi Somali, Sudan, Mali, Kongo va efiopiya davlatlari ham mustamlakachilar zulmidan aziyat chekmoqda. Kapitalistlar bu davlatlarning boyligini talon taroj qilish uchun turli bahonalar bilan u erga urush ochadi yoki ichki tarafdan mahalliy nizo keltirib chiqaradi. Buning natijasida qanchadan qancha begunoh insonlar halok bo’ladi yoki qochqinga aylanadi.
BMTning qochoqlar bilan ishlovchi agentligi “Global o’zgarishlar” nomli so’ngi yillik hisobotida ahvol tobora yomonlashib borayotganini e’lon qildi.
Hisobotga ko’ra, o’tgan yili 7,6 million inson majburan vatanini tark etgan. Bu degani, har to’rt soniyada bitta odam uyini tashlab ketishga majbur bo’lgan.
Qochoqlarning yarmidan ko’pi Afg’oniston, Somali, Iroq, Suriya va Sudanga to’g’ri keladi. So’nggi paytlarda Mali, Kongo, Janubiy Sudan va efiopiyalik qochqinlar soni oshgan. BMT agentligi ma’lumotiga ko’ra, qochqinlarning 46 foizi 18 yoshga to’lmagan bolalar. Eng ko’p qochoqqa ega davlatlar ro’yxatidagi birinchi o’rinni 32 yildan beri Afg’oniston egallab kelmoqda. Ikkinchi o’rinda Somali, keyin Iroq va Suriya. 2012-yilda majburan o’z uyini tark etganlar soni 45 milliondan oshgan.
Axborot vositalari “BMT ayni paytda qochqinlarni boshpana bilan ta’minlash ustida ishlamoqda”, deya jar solgani bilan asl vaziyat bundan boshqacha. Suriyadagi vaziyat tufayli o’z uyini tashlab chiqishga majbur bo’lgan muslima ayol Nahed Hamdan uch oylik bolasi bilan Livandagi bir ko’prikning ostida hayot kechirmoqda. Uning aytishicha BMT uni ostonadan kuvib solgan.
– Yordam so’rab bormagan eshigim qolmadi. Livan davlati ham, BMT ham menga yordam qilmadi. Ayniqsa BMTga yordam so’rab borganimda ostonadan quvib yubordilar meni – deydi uch oylik bolasini bag’riga bosib turgan ona.
Islom Ummatining boshida uni g’amini eydigan Xalifasi bo’lmas ekan, u o’z yurtida ham qochqinga aylanadi. Qochib borib, bosh uradigan joyi BMT bo’lsa…
Aslini olganda Islom ummatini qochqinga aylanishiga sabab bo’layotgan o’sha BMTning o’zi emasmi?!
