Suriya muxolifati Milliy koalitsiyasi etakchisi Ahmad Muoz al-Xotib o’zining istefosi haqida bayonot berdi.
Bu bayonotni al-Xotibning rasmiy vakili tasdiqladi.
Al-Xotibning so’zlariga ko’ra, istefo unga, “rasmiy tashkilot doirasida iloji bo’lmagan darajadagi erkinlik bilan” faoliyat olib borishlikka imkoniyat beradi.
Ahmad Muoz al-Xotib Milliy koalitsiya rahbari lavozimiga 2012 yilning noyabr oyida tayinlangan edi. Fevral oyining boshida u Bashar Asad rejimi bilan mamlakat ichidagi to’qnashuvlarni tinchlik yo’li bilan hal qilish borasida muzokaralarga tyyor ekanligi haqida bayonot bergan.
Ma’lumotlarga ko’ra, al-Xattob istefoga ketishiga, Suriya muxolifatining horijiy xomiylari bilan kelisha olmaganligi sabab bo’lgan. Ular Muozning Bashar Asad hukumati bilan muloqotga borish maqsadidan norozi edilar.
Shuningdek, Suriya qo’g’olonchilarining vaqtincha hukumati rahbari etib Hasan Xitto tayinlanishligi ham koalitsiya ishtirokchilari o’rtasida kelishmovchiliklarni keltirib chiqargan va bir necha kun avval koalitsiyaning 63 a’zosidan 12 kishi koalitsiyani tark etishgan.
Bu orada Suriya muxolifati milliy koalitsiyasi Muoz al-Xotibning istefosini qabul qilmadi va uni o’z ishini davom etdirishga chaqirdi. “Al-Xotib Bosh Assambleya qaroriga binoan koalitsiyaga rahbarlik qilishda davom etadi”, – deyiladi Milliy koalitsiya bayonotida.
