Siyosiy masalalar bo’yicha AQSh davlat kotibi o’rinbosari Uendi Sherman 30 noyabr kuni Bishkekda ommaviy axborot vositalari xodimlari bilan bo’lgan suxbat chog’ida quyidagi fikrlarni ma’lum qildi;
“Manas” Yuk tashish markazi (TSentr tranzitnix perevozok-TSTP) masalasiga kelsak, men yana bir bor ta’kidlamoqchimanki, albatta biz mamlakatingiz shartnomaga amal qilib, o’z so’zida turganligi va kelishilgan muddat oxirigacha ya’ni 2014-yil nihoyasigacha uni qoldirishga rozilik bildirgani uchun minnatdorchilik bildiramiz.”
“Kelajakda qanday yo’l tutishimiz ma’qulligini bizlar birgalikda hal etamiz. Bugungi kungacha faqat faraz va taxminlar aytilmoqda. Ishonchim komilki, bizlar eng avvalo Qirg’iziston uchun keng ko’lamli foyda keltiruvchi qandaydir shartnomaga kelishamiz”,-dedi u.
Sherman koalitsiya kuchlari Afg’onistondan chiqarilganidan keyin mintaqada qoldirib ketishi mumkin bo’lgan ortiqcha qurol yaroqlar xaqidagi savollarga javob berar ekan;
“Xali xech qanday qaror qabul qilingani yo’q, bu masalani ko’tarish xali erta. Biroq, zarur bo’lsa va bundan biror ma’no chiqsa, bu masalani sizning mamlakatingiz bilan muhokama etishga so’zsiz tayyormiz. Men shuni ta’kidlamoqchimanki, agar harbiy ashyo anjomlarni yordam sifatida bergan taqdirimizda ham, bu berilgan anjomlar qatl etuvchi, qiruvchi qurollar bo’lmaydi”,-dedi.
