Qirg’izston bosh vaziri Moskvada

Qirg’izston bosh vaziri Janto’ra Satibaldiev boshchiligida Qirg’izston delegatsiyasining Moskvadagi ish safari davom etmoqda. Bugun Satibaldiev Rossiya bosh vaziri Dmitriy Medvedev bilan uchrashadi. Uchrashuv chog’ida energetika, tog’-kon boyliklari va transport tarmog’i bo’yicha so’zlashuvlar bo’lib o’tishi hamda bir qator hujjatlarga imzo chekilishi kutilmoqda. Bu galgi so’zlashuvda “Qirg’izgaz” aktsiyadorlik jamiyatini sotish va GESlar qurilishi ham muhokama qilinishi xabar qilingan edi.

Shuningdek, bosh vazir Rossiyaning “Rosoboroneksport” shirkatining rahbari Anatoliy Isaykin bilan ham uchrashadi. U bilan Qirg’izston qurolli kuchlariga beriladigan yordam haqida muzokara olib boradi.

Kecha Qirg’izston delegatsiyasi ikkiyoqlama tadbirkorlar kengashining 2-majlisiga, shuningdek, davlatlararo komissiyaning 15-yig’ilishiga qatnashdi. Unda tadbirkorlikni hamkorlikda rivojlantirish, bank tarmog’ida, energetika, tog’-kon boyliklari va boshqa yo’nalishlarda birga faoliyat olib borish bo’yicha bir qator kelishimlarga qo’l qo’yildi.
Turkiston: Qirg’izistonga qolgan butun boyligi evaziga keladigan xarbiy texnikani keragi bormi? U kimdan qo’rg’anmoqchi? O’zbekistondanmi, yoki boshqa bir qo’shni davlatdanmi!.. Balki u xam Karimov rejimi singari, o’z xalqidan ximoyalanishni maqsad qilgandir.

Xaqiqatda esa, bu xam O’zbekiston singari xalqaro siyosatda Rossiya bilan AQSh o’rtasida, o’rta qo’lga o’rnatilgan qo’g’irchoqdek, barcha xarakatlarida ixtiyorsiz xolatga kelib bo’ldi. Xuddi o’rgamchak to’riga tushgan pashsha, avval kattiq pitirlagani va so’ng borgan sari o’rgimchak ixtiyoriga o’tib borayotgandek.

Ular bilan katta davlatlar o’rtalariga e’tibor bersangiz, ularning biri tomonga qarab sal xarakatlanishlari bilan ikkinchilari ilgari bog’lab olgan bir nozik nuqtasiga bosim beradi. Natijada bular ularga toboro qattiq bog’lanib boraveradi. Og’ir kelib, energetika, er osti va ustki boyliklarining xammasi ularga o’tib bo’lgach, bu davlatlar xatto o’zlarining ichki ishlarini boshqarishdan xam ojiz bo’lib qoladilar. Chunki davlat ichkarisidagi xamma strotegik obektlar, shu katta davlatlar ixtiyoriga o’tib bo’lganidan, ular bu obektlarni ximoya qilish baxonalari bilan, siyosiy va xarbiy aralashish xuquqini xam o’zlariga beradilar.

Qirg’iz davlatchiligi shu yo’nalishda xech qachon o’zini saqlab qola olmaydi. Shu ketishda uning qulashi yoki biror bir davlat koloniyasiga aylanishi muqarrar, faqat vaqt masalasi qoldi.