Ummon sultoni Qobus ibn Said o’z xalqiga shunday deya murojaat qildi: “davlatning ichki siyosati omma manfaatini yuzaga chiqaradigan ishlar ustiga quriladi. Ayni paytda tashqi siyosat xalqaro tinchlik va mustahkam hamkorlikka chaqirish hamda o’zgalarning ichki ishlariga aralashmaslik va kelishmovchiliklarni tinch yo’l bilan hal qilish asosiga quriladi”.
Sulton Qobus poytaxt Masqatda o’tgan parlament yillik majlisining ochilish marosimida nutq so’zlab quyidagilarni ta’kidlab o’tdi: “ummonliklar o’tgan vaqt oralig’ida o’lka va xalqlar manfaatini ko’zlagan turli fikrlar, so’zlashuvlar va tortishuvlarga nisbatan amaliy munosabatlarda ong, madaniyat, idrok va tushunishning a’lo darajasiga ega ekanliklarini isbotlab qo’ydi”.
Sulton saltanatdagi maslahat majlisi tajribasini ko’klarga ko’tarib maqtadi va uni uyg’onish va ijtimoiy yuksalishga mos, deb e’tibor qildi. O’tgan davr guvoh bo’lgan asosiy moddiy rivojlanishni maqtab fikr bildirdi va shunday deb va’da berdi: “bu o’sish aslo to’xtamaydi, chunki u madaniy rivojlanish talab qilgan va ijtimoiy, iqtisodiy yuksalish taqozo qiladigan doimiy jarayondir”.
Sulton Qobus Ummon yoshlarini xususiy sektor bilan shug’ullanishga undadi va bu ishni mashg’ulot uchun haqiqiy imkoniyat deb e’tibor qilishini ta’kidladi. Shuningdek u o’qishni bitirgan har bir kishini qandaydir bir foydali ishga kirishga va u orqali intilgan narsasiga etishga hamda yuridik ishga etish uchun muddatni cho’zmaslikka chaqirdi. U “Davlat barcha fuqarolarning yuridik vazifalar bilan ta’minlashga kuchi etmaydi”, deb ta’kidlab o’tdi.
Mustamlakachi g’arb Islom o’lkalarini ellik beshdan ortiq mayda bo’lakchalarga bo’lib tashlash bilan ular ustidan hukmronlikka erishdi. Ular bu davlatchalar ustiga qo’g’irchoq hokimlarni olib kelishib ummatni asosiy maqsadidan chalg’itishga urinishadi. Mana, o’zingiz bunga guvoh bo’lib turipsiz. Hatto minbarlarda turib musulmonlar ishini o’zgalarning ishi deb jar solishmoqda. Bu hokimlar shu vaqtgacha ummat ongidan Olloh Taoloning:
– „Va barchangiz Ollohning arqoniga (Qur’onga) bog’laningiz va bo’linmangiz!“, [3:103] degan kalomini va Rosululloh rning:
«Kimki, g’ami Ollohdan o’zga narsa bo’lgan holda tong ottirsa, bas, u Ollohdan emas, kimki musulmonlar ishiga e’tibor bermay tong ottirsa, bas, u ulardan emas», degan hadislarini uzoqlashtirish uchun ular orasiga soxta chegaralarni tortib, ularning ongiga o’z birodarlarining muammosini o’zgalarning muammosi deb singdirishga harakat qilib kelishdi. Ammo bugunga kelib ummat g’aflat uyqusidan uyg’ona boshladi. Natijada nafaqat bu sulton, balki Islom o’lkalaridagi barcha sultonlar, qirollar, prezidentlar hamkasblarini birin-ketin qulatib kelayotgan islom bahori shamolidan dir-dir titramoqda. Shuning uchun o’zlarini taxtlarini saqlab qolish ilinjida qo’llaridan kelgancha tirishmoqdalar. Ammo endi kech. Ummat nima bilan azizlikka etishligini anglab etdi. Insha Alloh yorug’ kunlar kelishiga ham oz fursatlar qoldi.
