2012 yili O’zbekiston harbiy ta’limot soxasida yordam ko’rsatishligini so’rab NATOga murojaat qilgan. Bu haqda o’tgan xaftada Bryusselda ma’lum qilingan NATO rahbari Anders Fog Rasmussenning yillik xisobotida aytiladi.
“Ta’limot o’zgartirishning asosiy asbobi xisoblanadi va NATO undan a’zo-davlatlardagi sohalar islohatlarini qo’llab quvvatlashda foydalanadi. Alyansning, avvalda NATO va sheriklar qurolli kuchlarining muvofiqlashgan vazifalari ko’lamini kengaytirishlikka qaratilgan maorif va ta’lim programmalariga endilikda qo’shimchalar kirgizilgan. Xozir bu programmalar alyans a’zolari va ularning ittifoqdoshlariga xavfsizlik, mudofaa hamda qurolli kuchlarga oid ta’lim muassasalarini tashkil qilishda, ularni rivojlantirishda va ularda isloxotlar o’tkazishda hamkorlik qilish uchun mablag’lar ajratib beradi”, – deb belgilagan Rasmussen Shimoliyatlantik alyansning 2012 yildagi asosiy yutuqlari ko’rsatib o’tilgan 22 betlik o’z xisobotida.
“Harbiy ilmni yanada chuqurroq o’zlashtirish programmalari Afg’oniston, Armeniya, Ozarbayjon, Gruziya, Qozoqston va Moldova respublikalari bilan birgalikda amalga oshirilmoqda. 2012 yilda bu sohada Iroq bilan Mavritaniya hamkorlik qila boshladi. Ukraina bilan O’zbekiston esa hamkorlik qilishlikni so’rab murojaat qilishgan”, – deyiladi xisobotda.
NATO ma’lumotiga ko’ra, “Harbiy ta’limotni chuqurroq o’zlashtirish programmasi” (DEEP)ni alyans ilk bor 2007 yili Qozoqstonda tashabbusga qo’ygan. Programmani tuzishlik ishlari bilan PRM-Konsortsium tizimida faoliyat olib borayotgan ta’limotni rivojlantirish bo’yicha Ishchi gruppa shug’ullangan.
PRM-Konsortsium – NATOning “Tinchlik yo’lidagi hamkorlik” programmasi asosida xavfsizlik masalalari bo’yicha tadqiqot olib boruvchi harbiy akademiyalar va muassasalar jamiyati. U 59 mamlakatda xavfsizlik masalalari bo’yicha 800dan ortiq harbiy akademiya va muassasalarini jamlagan. U 1998 yilda tashkil topgan. Unga maslahatlar beruvchi Katta hay’at rahbarlik qiladi. Hay’tga Avstriya, Germaniya, Kanada, AQSh, Shveytsariyadan hamda NATOning xalqaro xodimlaridan vakillar a’zo.
“Harbiy ta’limotni chuqurroq o’zlashtirish programmasi” (DEEP) NATOga a’zo-davlatlarning harbiy o’quv yurtlarini tashkil qilish, ularni rivojlantirish va ularda islohotlar o’tkazish borasidagi say-harakatlarini qo’llab quvvatlash uchun ishlab chiqilgan. Buning uchun ularga o’quv programmalarini tuzishlikda, hamda yaxshi mutahassis tayorlash uslublari sifatini ko’tarishda yordam berish ko’zda tutilgan.
DEEP programmasi NATO davlatlarining harbiy o’quv yurtlari va u davlatlar bilan aloqada bo’lgan PRM-Konsortsium, Djordj Marshall nomidagi markaz, tilshunoslikni muvofiqlashtirishning xalqaro idorasi, NATOning o’zgartirishlar bo’yicha qo’mondonligi, NATO mudofaa kolledji, NATOning Oberammergaudagi maktabi kabi tizimlar bosh rahbarlari, hamda ularning a’zo-mamlakatlardagi kasbdoshlari o’rtasida to’g’ridan-to’g’ri aloqa o’rnatishlikka imkon beradi. Programma o’zaro amaliyotlarni yaxshilashlikka hamda NATO davlatlari va sherik mamlakatlar mudofaa va xavfsizlik tizimlari vakillari o’rtasida yanada yaqinroq hamkorlikni va muloqotni o’rnatishlikka yordam beradi. Bu esa ta’limot va ilmiy tadqiqotlar sohasida ko’pmillatli say-harakatlarni amalga oshirish orqali mintaqaviy barqarorlikni saqlab qolishlikni ta’minlaydi.
Alyans bosh kotibining yillik xisobotida 2012 yildagi tashkilot yutuqlari bilan bir qatorda NATO 2013 yilda ro’baro’ bo’lishi mumkin bo’lgan ko’rsatma va chaqiruvlar ham o’rin olgan. “Xisobot NATOning bugungi kundagi mavqeini ko’rsatib beradi, shuningdek, bu va kelasi yillarda biz ro’baro keladigan ko’rsatma va chaqiruvlarni birma-bir belgibab o’tadi”, – dedi Rasmussen. Uning takidlashicha, “NATO sheriklari bilan yanada ko’proq hamkorlik qilmoqda va NATO daf’atan tahdidlarga qarshi turishlikka yanada yaxshiroq tayyorlangan”.
