Islomobodda “millionlar yurishi” qatnashchilari bilan politsiya kuchlari o’rtasida to’qnashuvlar boshlandi. Aktsiya qatnashchilarini tarqatib yuborish uchun politsiyachilar xavoga o’q otmoqda hamda rezina to’qmoqlardan foydalanmoqda. Namoishchilar xavfsizlik kuchlarining yurish uyushtiruvchisi Toxir Qodrini xibsga olish harakatlariga qarshilik qilmoqda va ularni toshbo’ronga olmoqda. Kim o’zi u, Toxir Qodri?
Dunyoning 90 dan ortiq mamlakatlarida hamjamiyatlar o’rtasida tinchlik va kelishuvni rivojlantirish faoliyatini olib borayotgan “Taxriqi minhaj ul-Quron” harakatining asoschisi va etakchisi, Panjob Universitetining xalqaro konstitutsion huquq bo’limi sobiq professori, so’fiylik oqimi olimi, 61 yoshli Muhammad Toxir ul-Qodri 2012 yilning mart oyida Xindistonning ingliz tilida ko’rsatuvlar olib boruvchi CNN-IBN axborot telekanali tarafidan “Tinchlikning xalqaro elchisi” degan nomga sazovor bo’lgan.
Pokiston va uning tashqarisida keng tanilgan olim Toxir Qodri Quronni o’rganish borasidagi bir qator qo’llanmalar va darsliklar video tasmalari muallifi. Harbiy to’ntarish natijasida 1999 yili mamlakatda hukumatga general Parvez Musharraf kelgandan keyin Toxir Qodri Pokistonning etakchi islomiy partiyalari va harakatlari birikkan tashkiloti (alyansi) faoliyatida ishtirok eta boshlagan. Biroq, 2006 yili Musharraf rejimi bilan kelishishmaslik sababli Kanadaga ko’chib ketgan. Kanadada u Pokistonning islomiy jamoatchiligi ta’minoti, shuningdek o’zi asos solgan, Pokistonning yirik shaxarlarida hamda bir qator horijiy mamlakatlarda o’z vakolatxonalariga ega “Taxriqi minhaj ul-Quron interneshnl” islomiy xayriya tashkiloti ta’minoti uchun mablag’lar ig’ishlik bilan shug’ullandi.
O’tgan yili oktyabr oyida Toxir Qodrining Pokistonga daf’atan qaytishi ko’pchilikni xayron qoldirdi. Kelgan zaxoti u mamlakatda hukm surayotgan, xalq extiyojlari bilan xisoblashmaydigan, “ipidan ignasigacha korruptsiyalashib ketgan feodal” siyosiy tuzum uni qat’iyan qoniqtirmayotganini bayon qila boshladi. Laxordagi mitingda Toxir Qodri Islomobodga “millionlar yurishini” uyushtirishlik va mana shunday tinchlik amaliyoti orqali, Misrning Taxrir maydonida bo’lgani singari, Pokiston siyosatini tubdan reformalash niyatini bayon qildi. Toxir Qodrining oldiga qo’ygan asosiy maqsadlari – amaldagi hukumatni tarqatib yuborish, xalq ishtirokida vazirlarning odilona ko’chib o’tish kabinetini shakllantirish, armiya va Oliy sudning qattiq nazorati ostida mamlakatda muxlatidan avval umumparlament saylovlarini o’tkazish.
Toxir Qodri o’zini har qanday siyosiy kuchlardan holi bo’lgan, Pokiston va uning xalqini korruptsiyadan hamda siyosiy elita tarafidan bo’layotgan odilsizlikdan qutqarish uchun harakat qilayotgan shaxs sifatida bayon qiladi. Uni bu erda “Pokistonning Xomaynisi” deb atashadi. U terrorga, ekstremizmga hamda Islomdagi radikallikka qarshi. Aksar kuzatuvchilarning fikriga ko’ra, Toxir Qodri iqtisodiy va siyosiy bo’xronlarni boshidan kechirayotgan Pokistondagi siyosiy jarayonga jiddiy tasir ko’rsatishi mumkin.
