Amerika idorasidagi manbaning aytishicha, oq uy va kongres rahbarlari dushanba kechasining oxirgi damlarida ham AQShni iqtisodiy jarlikdan saqlab qolishi kutilayotgan kelishuvni davom ettirishmoqda. Sarf-xarajatlarning keskin qisqarishi ikki oy muddatga kechiktiriladi.
Manba senatda ko’pchilikni tashkil qiluvchi demokratlar partiyasining lideri senator Garri Rid va deputatlar palatasidagi ozchilikning lideri Nensi Pelosi kelishuvga imzo chekishganini qo’shimcha qildi va kelishuv sarf-xarajatlarni qisqartirish bilan soliqlarni oshirish o’rtasida muvozanat holatda turganligiga ishora qildi.
O’tganda respublikachilardan bir mas’ul deputatlar palatasi seshanba kuni ovoz berishini ehtimoldan yiroq deb hisoblagan edi. Bu 2013 yil kelishi bilan majburiy ravishda “iqtisodiy jarlik”ka qulashi, yuzlagan kishilar milliardlagan dollar ziyon ko’rib, millionlagan kishilar ish joylaridan mahrum bo’lishi va Amerika iqtisodiy depressiyaga yuz tutishidan darakdir.
Nomi oshkor etilishini istamagan Respublikachilar partiyasining mas’uli senat a’zolari aniq ma’noni ifodalaydigan kelishuvni qabul qilmaganligiga ishora qilib “bizning oldimizda ovoz berishimiz uchun aniq kelishuv mavjud emas”, dedi.
Amerika siyosatchilari o’rtasidagi dushanba kungi muzokaralar Amerika kongresining favqulodda majlisi paytida tashkil qilingan yopiq yig’ilishdan bir necha soat o’tgandan keyin ham biror echimga erisha olmay, muvaffaqiyatsiz yakun topdi.
Soliqlarni oshirishda ikki partiya bir fikrga kelisha olmayapti. Respublikachilar barcha Amerika fuqarolariga soliqni oshirish taklifida bo’lsa, demokratlar yillik daromadi 250 ming dollar bilan 400 ming dollar atrofida bo’lgan shasxlarga soliqni oshirish tarafdori.
