بِسْمِ اللهِ الرَّحْمٰنِ الرَّحِيمِ
Hadisi Sharif bilan
Yomon narsadan g‘azablanish
Aziz muxlislar, «Hadisi Sharif bilan” nomli ruknimizning yangi sonini samimiy salomlar bilan boshlaymiz. Sizlarga Alloh Taoloning salomi, rahmati va barakoti bo‘lsin.
Ibn Hajar al-Asqaloniy “Fathul-Bariy – sharhu Sahihul Buxoriy” asarining “Nasihat va ta’limda g‘azab” bo‘limida shunday deydi:
حدثنا محمد بن كثير قال أخبرنا سفيان عن ابن أبي خالد عن قيس بن أبي حازم عن أبي مسعود الأنصاري قال: قال رجل يا رسول الله لا أكاد أدرك الصلاة مما يطوّل بنا فلان، فما رأيت النبي صلى الله عليه وسلم في موعظة أشد غضبا من يومئذ، فقال: “أيها الناس إنكم منفرون فمن صلى بالناس فليخفف فإن فيهم المريض والضعيف وذا الحاجة“.
Bizga Muhammad ibn Kasir Abu Mas’ud al-Ansoriydan rivoyat qilgan hadisda quyidagilarni aytib berdi: Bir kishi “Yo Rasululloh, falon kishi namozni uzoq o‘qiganligi sababli men jamoat namoziga kela olmayapman”, dedi. Men Rasululloh sollallohu alayhi vasallamni o‘sha kungi xutbadagidek g‘azablanganini hech qachon ko‘rmaganman. So‘ng Rasululloh sollallohu alayhi vasallam shunday dedilar: “Ey odamlar, siz odamlarni bezdiryapsiz. Kim odamlarga imomlik qilsa, namozni qisqa qilsin. Chunki ular orasida kasallar, zaiflar va muhtojlar ham bor”.
Aziz birodarlar!
Farz va boshqa namozlarni musulmonlar uchun qisqa qilish lozimligiga shubha yo‘q. Rasululloh sollallohu alayhi vasallam buning illatini “Chunki ular orasida kasallar, zaiflar va muhtojlar ham bor”, deya izohladilar. Rasululloh sollallohu alayhi vasallamning Ummatlariga qanchalik mehribonligini ko‘ryapsizmi?! U zot Ummatning vasvasaga tushib, namozdan uzoqlashishidan qo‘rqdilar. Ular shunchaki, namozni cho‘zganlari uchun boshqalar dindan uzoqlashishidan qo‘rqdilar. O‘sha “Falonchi”ning namozni uzaytirganini eshitib, qattiq jahllari chiqdi.
Ey musulmonlar!
Agar Nabiy sollallohu alayhi vasallam bu kabi oddiy narsadan shunchalik g‘azablangan bo‘lsa, butun ummatning kofir kapitalizm, demokratiya va ilmoniylik botqog‘ida yashayotganini ko‘rsalar, sizningcha U zotning g‘azabi qanday bo‘lar edi? Allohning g‘azablari qanday bo‘lardi? Avvalgi ummatlarga yetgan holatlarning barchasi musulmonlarga ham yetganini ko‘rsalar qanchalik g‘azablanar edilar? Mustamlakachi kofirlar yegulik talashayotgan itlardek Ummatning ustiga yopirilib kelganiga nisbatan sizningcha U zotning g‘azabi qanday bo‘lishi mumkin? U zotning bu holatlarga namozdan ko‘ra ko‘proq g‘azablanishiga hech shubha yo‘q.
Shunday ekan, bu Ummat qachon uyg‘onadi, qachon o‘ziga kelib, bu holatni o‘zgartirishga harakat qiladi? Qachon o‘rnidan turib, qo‘rquv to‘nini yechib, baland ovoz bilan: “Labbayka (amringizga muntazirmiz, ey Rasululloh, amringizga muntazirmiz, ey Allohning Elchisi”, deb hayqiradi?
Allohim, musulmonlarni birlashtirib, ularning boshidagi balolarni aratadigan Payg‘ambarlik minhoji asosidagi Roshid Xalifalik davlatining tiklanishini tezlashtirgin. Allohim, yer yuzini O‘z nuring bilan munavvar qilgin.
Aziz birodarlar, navbatdagi «Hadisi Sharif bilan» nomli ruknimizgacha Alloh Taoloning panohida bo‘ling. Sizlarga Alloh Taoloning salomi, rahmati va barakoti bo‘lsin.
29 Robiul-avval, 1446h yil.
2 Okttyabr, 2024m yil.