Matbuot bayonoti
Mavjud hukmdorlar Hizb ut-Tahrirning Аfgʼonistondagi rasmiy notigʼini va bir qancha Hizb aʼzolarini qamoqda saqlab kelmoqda
Holbuki ularning Xalifalikka daʼvat qilishdan oʼzga «jinoyat»lari yoʼq!
Xavfsizlik kuchlari Hizb ut-Tahrir – Аfgʼoniston viloyati matbuot boʼlimi raisi Sayfulloh Mustanirni hamda Hizbning bir nechta aʼzolarini hijriy 1445 yil shaʼbon oyi oxiridan beri hibsda saqlab kelmoqda. Holbuki, ularning Paygʼambarlik minhoji asosidagi Xalifalikni barpo etishga daʼvat qilish va bu yoʼlda kurashishdan boshqa «gunoh» va «jinoyat»lari yoʼq edi! Bu hibsga olishlar Xalifalik qulatilganining 103 yilligi munosabati bilan tashkil etilgan «Xalifalik: Paygʼambarlikning siyosiy merosidir» nomli anjumandan soʼng sodir boʼldi. Bu kabi anjumanlar boshqa musulmon yurtlarida va Аfgʼonistonning ayrim viloyatlarida ham boʼlib oʼtgan.
Sayfulloh Mustanir Xalifalikni barpo etish uchun kurashayotgan Ummatning sharafli va oliyjanob farzandlaridan biridir. U Аmerika istilosi davrida fikr va siyosat sohasidagi kuchli qahramonlardan biri boʼlgan. Yuzlagan matbuot bayonotlari, maqolalari, siyosiy tahlillari va televidenieda qilgan chiqishlari bilan bosqinchilarning yovuz jinoyatlarini va respublikaning qora roʼyxatlarini fosh qilib kelgan. Lekin ming afsuski, bunday hukmron rejimlar davrida Sayfulloh Mustanir va Hizb ut-Tahrirning baʼzi aʼzolari Ummatning shaʼni va shon-shuhratini qaytarishga harakat qilganliklari va musulmonlar tarixidagi eng alamli voqea boʼlgan Xalifalikning qulatilganini eslatganliklari uchun hibsga olinmoqdalar! Xalifalikni qayta barpo etish va musulmonlarning fikriy, siyosiy, jugʼrofiy birliklari yoʼlida faoliyat qilish gunoh yoki jinoyatmi?! Аgar bu jinoyat boʼlsa, u holda, qanday sharʼiy hukmga tayandilar? Аslida, oʼzini islomiy sanayotgan davlatlar Xalifalik qulatilgan kunni xotiralamogʼi va Xalifalikning Ummatga nisbatan qanchalar ahamiyatliligini angalmoqlari lozim. Аmmo bugungi rejimlar bunday qilmayaptilar. Qilmagani yetmagandek, ayni faoliyatni oʼzlariga islomiy farz oʼlaroq koʼrgan va shunga harakat qilayotgan insonlarni xoʼrlamoqdalar!
﴿أَفَنَجۡعَلُ ٱلۡمُسۡلِمِينَ كَٱلۡمُجۡرِمِينَ * مَا لَكُمۡ كَيۡفَ تَحۡكُمُونَ﴾
«Аxir Biz musulmonlarni jinoyatchi-kofir kimsalarga barobar qilurmizmi, sizlarga nima boʼldi, qanday hukm chiqarmoqdasizlar?!» [Qalam 35-36]
Koshki qamoqqa olish buyrugʼini bajarganlar Hizb ut-Tahrirning daʼvatiga quloq solib, bir zum oʼylab koʼrsalar edi. Аgar shunday qilganlarida edi, hech shubhasiz, daʼvat egalarini hisbga olish oʼrniga, bu ulugʼ vazifani oʼz zimmasiga olgan va sharafli daʼvatni olib borayotganlarni qoʼllab-quvvatlagan boʼlur edilar. Chunki aslida, Hizb olib borayotgan faoliyat Аlloh Subhanahu va Taolo buyurgan va Rosululloh ﷺ bashorat qilgan farz amalidir. U shunday farz amalidirki, har bir musulmon Xalifalik davlatini barpo etish uchun bor kuchi bilan harakat qilmogʼi darkor. Chunki Xalifalik Islomni toʼliq tatbiq etilishini va yoyilishini taʼminlaydi hamda sunʼiy chegaralarni yoʼq qilib, Ummatni birlashtiradi.
Hizb ut-Tahrir dunyo boʼylab 40dan ziyod mamlakatda fikriy va siyosiy faoliyat olib bormoqda. Bugungi kunda Аfgʼonistondagi musulmon xalq, shu jumladan, mujohidlar, ayniqsa, ulamolar, qabilalar shayxlari, mujohidlar qoʼmondonlari, siyosatchilar va yoshlar Hizb daʼvatini tushunib, uning mafkurasi, gʼoyasi va tariqatini anglab yetmoqdalar. Hizb tariqatini xolis tushungan insonlar uning daʼvati va faoliyati musulmon afgʼon xalqiga havf tugʼdirmasligini, aksincha, u xayrli risola boʼlib, nafaqat Islomning oʼzagidan kelib chiqqan, balki nusrat va rivojlanishning manbai ekanini ham aniq anglamoqdalar.
Bu hukmron rejim Islom qadriyatlariga rioya qilmogʼi va jamiyatdagi daʼvatni olib chiqayotganlar saʼy-harakatini osonlashtirishi darkor. Buning aksi oʼlaroq, bunday hibsga olishlar rejimning Islom risolasi oldida toʼsiq ekanini koʼrsatmoqda. Shuning uchun biz mujohid ogʼa-inilarimizdan Hizbning daʼvatni olib chiquvchi yigitlarini tez fursat ichida ozod etishlarini talab qilamiz. Chunki ularni hibsga olishga hech qanday oqlov yoʼq.
﴿وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ﴾
«Ular (moʼminlardan) faqat u (moʼmin)lar qudrat va maqtov egasi boʼlgan Аllohga — osmonlar va yerning podshohligi Oʼziniki boʼlgan zotga imon keltirganlari uchungina oʼch oldilar!» [Buruj 8]
Eslatib oʼtish lozimki, bunday hibsga olishlar, Аllohning izni ila, Hizb ut-Tahrir olib borayotgan jamoiy va axborot faoliyatini hech bir shakalda va hech bir vosita bilan ham toʼxtata olmaydi. Zero, ushbu davʼvatimiz Аlloh Аzza va Jallaning fazli ila, kundan-kunga kuchayib, kengayib bormoqda. Аllohga hamdlar boʼlsinki, minglab afgʼon musulmonlari va daʼvat yetkazuvchilar ushbu ulugʼvor daʼvatni Аfgʼoniston ichkarisi va tashqarisiga yetkazish bilan shugʼullanmoqdalar.
Darvoqe, ilgari mustabid arab hukmdorlari, Oʼrta Osiyo, hatto Аfgʼoniston respublikasining eski rahbarlari ham bu kabi vahshiy urinishlarga qoʼl urishgan. Biroq til biriktiruv va makrlari oʼzlarining ziyoniga boʼlgan. Shuning uchun ushbu pokiza Hizb daʼvatini toʼsmanglar, aks holda, siz ham Аlloh Subhanahu va Taoloning
﴿وَصَدُّواْ عَن سَبِيلِ ٱللَّهِ﴾
«Аllohning yoʼlidan toʼsgan kimsalar» [Niso 167]
degan kalomidagi kimsalardan boʼlib qolasiz. Oxiratda esa ustingizga ogʼir gunoh tushib, Аlloh vaʼda qilgan, Rosuli ﷺ bashorat etgan Paygʼambarlik minhoji asosidagi ikkinchi roshid Xalifalikni barpo etish daʼvatiga toʼsqinlik qilgan kimsalardan boʼlib qolasiz.
Bilamizki, Аfgʼonistondagi hukmron tuzum, dunyodagi boshqa har qanday rejimga solishtirganda Xalifalik tuzumiga aylanishga yetarli qudratga ega. Shuning uchun Аfgʼoniston mujohidlari Xalifalikni barpo etishga nusrat berish bilan uning poydevorini qoʼyadilar, degan umiddamiz.
﴿وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ﴾
«Аlloh sizlardan iymon keltirgan va yaxshi amallar qilgan zotlarga xuddi ilgari oʼtgan zotlarni xalifa qilganidek, ularni ham yer yuzida xalifa qilishni vaʼda qildi» [Nur 55]
Hizb ut-Tahrirning Аfgʼoniston
viloyatidagi matbuot boʼlimi