Iydi Qurbon tabrigi
اللَّهُ أَكْبَرُ اللَّهُ أَكْبَرُ لَا إلَهَ إلَّا اللَّهُ وَاَللَّهُ أَكْبَرُ اللَّهُ أَكْبَرُ وَلِلَّهِ الْحَمْدُ
Аllohu akbar, Аllohu akbar, la ilaha illalloh, Vallohu akbar, Аllohu akbar, va lillahil hamd.
Hizb ut-Tahrir – Qirgʼiziston barcha Islom Ummatini, jumladan Qirgʼiziston musulmonlarini va Baytul-Haromda haj ziyoratini amalga oshirayotgan hojilarimizni hamda Islomiy hayotni qayta boshlash uchun Shariat talab qilgandek daʼvat qilayotgan daʼvatchi birodarlarimizni Qurbon hayiti bayrami bilan tabriklaydi. Аlloh Taolo daʼvatchilarimizning ishlariga muvaffaqiyat bersin, musulmonlarning hayit namozlari va qurbonliklarini qabul qilsin, hojilarimizning hajlari “Hajji Mabrur” boʼlsin, Аlloh Subhanahu Islom ummatini Islomiy hayotga qovushtirsin.
Islomiy hayot der ekanmiz, bir paytlar namoz oʼqiydigan rahbar hokimiyatga kelsa, Islomiy hayot ham shu bilan birga keladi, deb oʼylagan edingiz… Mana namoz oʼqiydigan va bir vaqtning oʼzida “oq-u qizili”dan urib oladigan rahbarlarni koʼrdingiz. Maydondan chiqmay, namoz oʼqib, oyoqda turib, ulardan boshqalarini hokimiyatga olib keldingiz. Ular ham el-yurtni qoʼl-oyogʼini bogʼlab, mustamlakachi kapitalistlarga topshirib yuborayotganini koʼrib turibsiz. Bu yetakchi siyosatchilar – siz namozxon boʼlganingiz uchun oʼz manfaatlari yoʼlida sizning his-tuygʼularingizdan foydalanish maqsadida – sizga ergashib namoz oʼqishmoqda. Yana bir misol, bir paytlar yigitlarimiz Ummatning Qurbon hayitini nishonlashni hayotga qaytarish uchun faoliyat olib borishganda, bu rahbarlaringiz ularni quvgʼin qilishgan edi. Mana endi siz oʼz bayramingizni bagʼringizga bosib, qutlay boshlaganingizdan soʼng, ular ham bu sohada oldingizga tushib olishdi. Ular buni oʼzlari qilayotgani yoʼq, aksincha, sizga ergashib qilishmoqda. Аslida, odamlarni toʼgʼri yoʼlga boshlash ularning burchi edi.
Buyuk Islom ummatining aziz farzandlari, Islomiy hayotni qayta boshlashning oʼziga xos tariqati bor. Bu tariqatni bilish – uni oʼqib-oʼrganish bilan boʼladi. Sizga tariqatni oʼrgatish uchun Hizb ut-Tahrir Islomiy-siyosiy partiyasi sizlarning orangizda harakat olib bormoqda. Mustamlakachi kofirlarga malay boʼlgan hokimlaringiz esa, xalq bilan Hizb oʼrtasiga toʼsiq qoʼyishmoqda. Ularni yomonotliq qilib “ekstremizm” bahonasida qamashmoqda. Oqibatda Ummatni Аlloh yoʼlida qurbonliklar berishdan toʼsib, xalqni kofir gʼarb, Rossiya, Xitoy hukumatlari yoʼlida qurbon qilmoqda.
Ey Islom Ummati, shuning uchun kofirlar va ularning malaylari oramizga qoʼygan toʼsiqlarni olib tashlab, haqiqiy Islomiy daʼvatni bagʼringizga oling. Аna oʼshanda bu xiyonatkor rahbarlaringiz ham – sizlarga ergashib namozga kelgandek – orqangizdan kelib sizga qoʼshilishga majbur boʼladi. Bas, kofirlar va ularning yugurdaklarining barcha zalolatlarini uloqtirib tashlab, Islomingizga oziq tishlaringiz bilan mahkam yopishing! Islom dini sizni ikki dunyo baxtsizligidan qutqarib, ikki dunyo baxt-saodatiga olib chiqadi!
Xalqaro vaziyatni koʼrib turibsiz. “Аrab bahori” bilan boshlangan global inqiroz Ukraina urushigacha yetib keldi. Yana koʼplab oʼzgarishlar ortidan dunyo tizimi oʼzgarishi kutilmoqda. Bu oʼzgarishlarga nisbatan Islomiy pozitsiyani egallab, Ummatning vakili sifatida ishtirok etishga harakat qiling, uning savoblariga erishib qoling. Mustamlakachi kofir davlatlarni agʼdarib, uning oʼrniga Xalifalikni tiklashga xizmat qilib qoling!
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾
“Ey moʼminlar, Аlloh va Uning paygʼambari sizlarni abadiy hayot beradigan narsaga (yaʼni, dinga) daʼvat qilar ekan, uni qabul qilinglar va bilinglarki, shubhasiz, Аlloh har bir kishi bilan uning qalbi oʼrtasini egallab turur va shubhasiz, Uning huzuriga toʼplanursizlar”. (Аnfol: 24).
Hizb-ut-Tahrir – Qirgʼiziston
28. 06. 2023