بِسْمِ اللهِ الرَّحْمٰنِ الرَّحِيمِ
Hizb ut-Tahrir – Sudan viloyati tadbirlari
Hizb ut-Tahrir – Sudan viloyati Islom ahkomlari va ularning turli hayotiy tuzumlarga taalluqli echimlari haqida jamoatchilik fikrini shakllantirish uchun yurtning turli viloyat va shaharlarida o‘tkazib kelayotgan o‘zining ommaviy tadbirlari doirasida 2021 yil 21 iyun kuni Xartum shahrida ommaviy tadbirlar o‘tkazdi. Misol uchun:
Xartum markazidagi «Jakson» maydonida «Yonilg‘i mahsulotlaridan davlat qo‘llab-quvvatlovini olib tashlashning real sabablari va tub echimlar», nomi ostida o‘zining davriy siyosiy murojaatini yo‘lladi. Unda odamlarni chalg‘itish uchun hukumat keltirayotgan soxta sabablar hamda buning ortidagi asl sabablar haqida, shuningdek, bu shunchaki Xalqaro Valyuta Fondi va Jahon Banki ko‘rsatmalariga bo‘ysunish ekanligi haqida gap bordi.
2021 yil 22 iyun seshanba kuni Vad-Madaniy shahridagi katta bozorning tantanalar maydonida «Moviy Nil bilan Kordofan janubiga avtonom boshqaruv maqomini berish bo‘lib tashlangan Sudanni yanada parchalashdir», deb nomlangan siyosiy murojaatni yo‘lladi. Unda bugungi o‘tish davri hukumatining milliy hukumatlar yo‘lidan yurib, Juba shartnomasi singari xoinlik shartnomalarini imzolagani hamda Moviy Nil va Kordofan janubi rayoniga avtonom boshqaruv maqomi berilayotgani, bu qilmishlar ertaga navbatdagi bo‘linishga olib kelishi haqida so‘z yuritildi.
Ayni mavzuda Ummu Do‘rmon g‘arbidagi «Liviya bozori»da ham 2021 yil 23 iyunda «Moviy Nil va Kordofan janubi rayoniga avtonom boshqaruv maqomini berish bo‘lib tashlangan Sudanni yanada parchalashdir» nomli siyosiy murojaatni yo‘lladi.
Qazorif shahrida 2021 yil 24 iyun kuni «Avtonom boshqaruv – bo‘linishning hamda boyliklar nest-nobud qilinishining boshlanishidir» nomli siyosiy murojaat yo‘lladi. Murojaatda avtonom boshqaruv loyihasi ulkan xiyonat bo‘lib, undan AQSh rejalarini ijro etish ko‘zlanganligi, bu rejalardan janub bo‘linishi ortidan butun Sudanni parcha-parcha davlatchalarga bo‘lib tashlash ko‘zlanganligi aytildi.
2021 yil 27 iyunda Duxaynot shaharchasidagi «Kalakla Lafa-Market»da Hizb a’zolari «Xo‘jayinlik shariatniki, hokimiyat Ummatniki» nomli siyosiy ma’ruza o‘tkazdilar. Unda Hizb a’zolari xo‘jayinlik shariatniki ekanligi, parlament orqali o‘z-o‘ziga qonun chiqarib oluvchi xalqniki emasligi haqida so‘z yuritdilar.
2021 yil 28 iyunda Ummu Do‘rmonda «Inson o‘ylab topgan tuzum muvaffaqiyatsizdir, haqiqiy echim Xalifalikdir» nomli siyosiy ma’ruza o‘tkazildi. Unda notiqlar Sudan tepasiga «mustaqillik»dan to shu kungacha birin-ketin kelib ketayotgan hukumatlar, xoh fuqaroviy, xoh harbiy bo‘lsin, farqsiz, dunyoviy hukumatlar bo‘lib, ularning har biri yurtni boshqarish va rivojlantirishga muvaffaq bo‘lishmagani, aksincha, yurtni halokat jarligi yoqasiga olib kelishgani haqida gapirdilar.
2021 yil 2 iyulda Hizb ut-Tahrir – Sudan viloyati a’zolari Kosti shahrida «Sudandagi boshqaruv inqirozi va o‘tish davri masalasi» nomli siyosiy ma’ruza o‘tkazdilar. Unda Hizb a’zolari Britaniyaning yurtdan chiqib ketganidan keyin ham Sudan ahli siyosiy barqarorlik ne’matidan mahrum holda yashamoqdalar, chunki goh Evropa elchixonalari orqali hukm yuritilgan fuqaroviy boshqaruv ostida, goh Amerikaning harbiy boshqaruvi ostida hech kim hech bir muammoni hal qilgani yo‘q, dedilar.
2021 yil 9 iyul kuni Hizb a’zolari Kosti shahrida o‘tkazgan «Xalifalik davlatida ta’lim asosi» nomli siyosiy ma’ruzada Islomda ta’limning asosi islomiy aqida bo‘lib, ta’lim dasturlari shunga muvofiq ishlab chiqilishi, buning aksi o‘laroq, bugungi kunda kofirlar musulmon yurtlaridagi ta’lim dasturiga ochiqdan-ochiq aralashishayotgani to‘g‘risida so‘z yuritdilar.
Roya gazetasining 2021 yil 21 iyul chorshanba kungi 348-sonidan