بِسْمِ اللهِ الرَّحْمٰنِ الرَّحِيمِ
Britaniya ochiq dushmandir
Alloh, Rosuli va mo‘minlarga xiyonat qilganlargina uni do‘st tutadi
Ustoz Visom Atrash qalamiga mansub
Joriy 2021 yil 7 iyun dushanba kuni xalq deputatlari palatasi spikeri Roshid G‘annushiy «Le Bardo» parlament saroyida Jeyms Kleverlini qabul qildi. Kleverli hozirda Britaniya tashqi ishlar vazirligining Yaqin Sharq va Shomoliy Afrika bo‘yicha yordamchisi vazifasini bajarmoqda. «Tunis, ayniqsa, Xalqaro Valyuta Fondi bilan o‘tkaziladigan yangi muzokaralarga tayyorgarlik ko‘rilayotgan bir paytda Britaniyaning qo‘llab-quvvatloviga, uning yonida turishiga muhtoj», dedi G‘annushiy uchrashuvda.
Tunis parlamenti matbuot kotibi xabariga ko‘ra, G‘annushiy Tunisda Britaniya sarmoyasini kiritishni kuchaytirish zarurligiga chaqirib, britaniyalik sayyohlarning Tunisga ko‘proq kelishga, oliy o‘quv yurtlari va akademiya hamkorligi doirasida talabalar va yoshlar istiqbollarini kengaytirishga targ‘ib qildi. «Bu sohada Tunis o‘zining bashariy resurslari va do‘stlariga, eng Avvalo Britaniyaning qo‘llab-quvvatloviga tayanadi», dedi G‘annushiy.
O‘z navbatida, Jeyms Kleverli ham Tunisdagi demokratik o‘tish jarayoni muvaffaqiyatini yuksak baholashini bildirib, «Arab dunyosida demokratiyaning muvaffaqiyati uchun namuna Tunisdir», dedi. Parlament matbuot kotibiga ko‘ra, Kleverli Britaniyaning – ayniqsa, yurtning og‘ir iqtisodiy sharoitida – Tunisni xalqaro koridorlar va pul-kredit muassasalari bo‘yicha qo‘llab-quvvatlashga tayyor ekanini bildirdi. (Shuruq gazetasi).
Tunisning energetika boyligiga qo‘l cho‘zgan, qurolli kuchlari uchun harbiy va xavfsizlik doktrinalarini tuzib berib, ularni faqat neftь konlarini qo‘riqchilariga aylantirgan aynan Britaniyadir. Tunis hukumati apparatini boshqarib, strategik rejalarini tuzib bergan ham, aksar axborot jarchilarini o‘ziga moyil qilgach, siyosiy maydon tuzilmasini chizib bergan ham, yurtdagi faol yoshlarni o‘ziga jalb qilishga urinayotgan ham, Islomning hokimiyatga kelishi va davatini yuksalishini oldini olish va shariat ahkomlariga qarshi kurashishda bor kuchini sarflayotgan ham mana shu Britaniyadir. Chunki u avvaldan Islom va musulmonlarga qarshi salibchilik urushi boshlagan, bosqinchi yahudiy vujudiga do‘stlik izhor etib, zolim rejimlarni qo‘llab-quvvatlayotgan mustamlakachi davlatdir.
Ba’zilar shunday bir davlatdan do‘stlik umid qilib, uning jinoyatchi qora yuzini oq qilib ko‘rsatishga jonbozlik ko‘rsatishmoqda, u bilan munosabatlarni normallashtirib, uning qo‘yniga kirishni Frantsiya va Amerikaning qo‘yniga kirishdan afzal deb bilishyapti. Vaholanki, yaqinda mash’um Balьfur deklaratsiyasi imzolanganining yuz yilligini bayram qilgan ham Britaniya, o‘zlarini bosqinchi yahudiylar bilan «tinchlik» homiylari deya iddao qilayotgan to‘rtlik qo‘mitasining a’zosi ham Britaniya, bugungi rahbarlariyu, avvalgi rahbarlari, barchasi yahudiy vujudiga asos solganliklari bilan maqtanayotgan davlat ham Britaniyadir.
Britaniyaning butun musulmonlarga, xususan, Falastin ahliga qarshi jinoyatkorona siyosat olib borayotganini bir oz bo‘lsa ham tushungan kishi haqiqatni anglab etadi. Haqiqat shuki, Britaniyaning musulmonlarga nisbatan dushmanligi tarix kitoblarining bitta sahifasiga bitib qo‘yilgan oddiy dushmanlik emas va Xalifalikni ag‘darish va Islom Ummati ko‘ksiga yahudiylarni xanjar qilib sanchish bilangina kifoyalangan dushman davlatgina emas. Yo‘q, balki u dushmanligi bugungi kungacha saqlanib, davom etayotgan davlatdir. Mana, uning hozirgi bosh vaziri Boris Jonson «mamlakatimiz Balьfur deklaratsiyasi orqali yahudiylar davlatini musulmon yurtlar ko‘ksiga xanjar qilib sanchib qo‘ydi va haligacha bu davlatni himoya qilib kelmoqda», deya maqtangan. (Bi-Bi-Si, 2020 yil 1 iyul).
Ummatga qarshi mana shunday jinoyatlar bilan to‘la bir davlat, agar G‘annushiy nazdida do‘st davlat hisoblansa, u holda, qaysi davlat dushman davlat hisoblanadi?! O‘nlab yillardan beri Islom Ummati farzandlarini portlatish bilan tana a’zolarini havoga uchirish, Falastin ahlini qochqinga aylantirish, Iroq, Afg‘oniston va boshqa yurtlarimizda dahshatli jinoyatlar sodir etish, boyliklarimizni talon-toroj qilish kabi jinoyatlarni bevosita sodir etgan bir davlatga qanday qilib yurtimizni rivojlantirish va iqtisodiyotimizni ko‘tarishda tayanishimiz mumkin?! Qanday qilib shunday davlatdan qaroqchi tashkilot bo‘lgan Xalqaro Valyuta Fondi orqali qo‘llab-quvvatlashini talab qilish mumkin. Holbuki, Alloh Subhanahu bunday degan bo‘lsa:
وَلاَ تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُمْ مِن دُونِ اللهِ مِنْ أَوْلِيَاءَ ثُمَّ لاَ تُنصَرُونَ
«Zulm yo‘lini tutgan kimsalarga tayanmanglar (ergashmanglar). Aks holda sizlarga do‘zax o‘ti etar. Sizlar uchun Allohdan o‘zga biron do‘st yo‘qdir. Keyin (ya’ni zolimlarga ergashsangiz) sizlarga yordam berilmas» [Hud 113]
Bu G‘annushiy va unga o‘xshagan kimsalar Rosululloh ﷺning
«لاَ تَسْتَضِيئُوا بِنَارِ الْمُشْرِكِينَ»
«Mushriklar olovidan foydalanmanglar», degan so‘zlarini eshitishmaganmi?!
Shubhasiz, Britaniya Islom Ummatiga qarshi urush qilayotgan, yahudiy vujudini paydo qilgani bilan faxrlanayotgan ochiq dushmandir. Bas, uning ortidan Ummat xoinlaridan boshqa kimsa itdek hakillab chopmaydi. Aynan shu Britaniya bizning yurtlarimiz va boyliklarimizga ko‘z olaytirayotgan, dinimiz va madaniyatimizni yo‘q qilishni orzu qilayotgan va buning uchun bor imkoniyatini ayamay sarflayotgan haqiqiy dushmanimizdir. Demak, bu davlatga nisbatan shar’iy pozitsiya uni dushman, deb bilish va uning yordami va madadini istamaslikdan iboratdir. Kim bu davlatdan – har qanday bahona bo‘lmasin – yordam va madad istasa, demak, u bizning frontni qo‘yib, yurtlarimiz bosqinchisi va boyliklarimiz o‘g‘risi mustamlakachi G‘arbning frontiga o‘tib olgan bo‘ladi. Bas, Alloh, Rosuli va mo‘minlarga bundan ham yomon xoinlik bormi?! Shahid tushgan farzandlarimiz qoni ustida bundan ham yomon yon berish bormi?! Bu farzandlarimiz Britaniyaning janglarida hamda Balьfurni va’dasiga ishonib, muborak zaminimizni bosib olgan yahudiylarning janglarida halok bo‘lgan shahidlarimizdir.
Tunisdagi siyosiy doira hokimiyatga chiqish va u erda qolishda faqat xorlik yo‘lini tanlab, dushmandan umid qilish va bizni mustamlakachi kofirga kishanlab berishdan o‘zga yo‘lni tanlamadi. Shu bois ham, bugunga kelib bu yo‘l Tunisni halokat jarligi yoqasiga olib keldi… Davlatni dushmanini rozi qilish uchun o‘zining dinidan ham voz kechayotgan davlatga aylantirdi. Aholini o‘z yurtlari boy zaxiralarga ega bo‘la turib, ochlikdan o‘layozgan, birovlarning ushoqlariga umid qilayotgan, boyliklari hukmdorlar qo‘li bilan mustamlakachi kompaniyalar va qaroqchi tashkilotlarga qo‘sh-qo‘llab topshirilayotgan tobe xalqqa aylantirdi.
Bugun Tunis ahli ayni siyosiy elitaning xoinligiga aniq ishondi. Endi, bunday soxta etakchilaridan hech narsa kutmay qo‘ydilar. Bil’aks, ular rostgo‘y xolis etakchilikni qidirib, Hizb ut-Tahrir va uning etakchiligiga, loyihasiga umid bilan boqmoqdalar.
Britaniya Tunis doxil barcha islomiy yurtlardagi neftь va gazni o‘g‘irlab ketish uchun Ummat zobitlari va qo‘shinlarini o‘zining soqchilariga aylantirib olgan bir paytda, bugun ushbu zobit va qo‘shinlardan shar’iy talablar qo‘yilmoqda: barchalari islomiy jangovar aqida-doktrina asosida harakatga kelib, Islom Ummatining dushmani, bosqinchi yahudiylarning homiysi bo‘lgan, Ummatni qattiq yomon ko‘radigan Britaniya va G‘arbga qarshi tursinlar. Bu dushmanlarimizdan umid qilib, ostonasiga bosh urmasinlar, xalqaro sudxo‘r moliyaviy tashkilotlardan mol olib berishni undan talab qilmasinlar! Axir, biz aqidasi va dini yo‘q bo‘lgan, boshqaruv va idorada ko‘hna tarixi bo‘lmagan ummatmizmi?! G‘arbning aralashuvisiz o‘z ishlarimizni o‘zimiz boshqara olmaymizmi?!
Bas, Ummatning xolis er kishilari uchun harakatga kelib, anavi razil-rasvo hukmdorlarni taxtlaridan ag‘darmoq vaqti allaqachon keldi. Zero, bu hukmdorlar boyliklarimiz, yurtlarimiz va aqllarimizga hasad qilayotgan har bir xalqaro o‘g‘rilar va qaroqchilarga yurtlarimiz darvozalarini lang ochib berishdi. Shuningdek, ularga Payg‘ambarlik minhoji asosidagi ikkinchi roshid Xalifalik davlatini barpo etish oni ham keldi. Xalifalik muborak zaminni ozod qilib, Islomni butun dunyoga ziyo risolasi sifatida ko‘tarib chiqadi, armiyalarimizni qartayib qolgan Evropa sari safarbar qilib, ilgari Istanbulda qilgani kabi, Rim osmoni uzra bayroqlarimizni hilpiratadi, shu orqali Rosuli mustafo ﷺning ushbu bashoratlarini ro‘yobga chiqaradi?
«ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»
«Keyin Payg‘ambarlik minhoji asosidagi Xalifalik bo‘ladi».
Roya gazetasining 2021 yil 16 iyun chorshanba kungi 343-sonidan