بِسْمِ اللهِ الرَّحْمٰنِ الرَّحِيمِ
Eronning AQShga tahdidi sovun ko‘pigidan boshqa narsa emas
«RT» veb-sayti (hijriy 1442 yil 17 jumodulavval, milodiy 2020 yil 1 yanvar juma kuni) nashr qilgan xabarda bunday deyiladi:
«Juma kuni Eron tashqi ishlar vazirligi matbuot kotibi Said Xatibzoda «Fors» axborot agentligiga o‘z mamlakati tortgan qizil chiziqqa yaqinlashganlarga Tehronning javobi qaqshatqich bo‘lajagini ta’kidlab, «Amerikaning har qanday chorasiga javob berishga ishonchimiz komil, har qanday stsenariyga tayyormiz», dedi. So‘ng «Isroil» bizning qizil chiqig‘imizga yaqinlashadigan bo‘lsa, qanday javob berishimizni anglamoqda, deya qo‘shimcha qildi. Said Xatibzoda mintaqada Amerika shaytoniy harakatlar olib borayotganini, har qanday sarguzashtning oqibati javobgarligi Amerika elkasiga tushishini ta’kidlab, Eron darhol javob yo‘llashga shoshilmaydi, biroq uning javobi uzil-kesil va keskin bo‘ladi, dedi».
Roya:
Eron o‘z tashqi siyosatini Amerika siyosati doirasidan tashqariga chiqarmaydigan davlat va 1979 yilgi Xumayniy inqilobidan beri bu doiradan bir kun ham chiqqan emas. U har doim mintaqada Amerika manfaatlariga vafodorlik bilan xizmat qilib kelgan. Bunga dalillar talaygina. Masalan, Eronning Suriyadagi jangarilari Amerikaning erkatoyi bo‘lgan «Isroil»dan juda ko‘p havo zarbalari egan, ammo bir marta ham javob qaytarmagan. Faqat Eron ichkarisida soxta quruq raddiya va bayonotlar yangragan, xolos. Mabodo, Amerika tomonidan Eronga hujum qilingan bo‘lsa, bu mullolar rejimi hissasini ko‘tarishga xizmat qilgan, ag‘darishga emas. Biz Amerika bilan uning mintaqadagi malaylari o‘rtasida bunday sahna o‘yinlarini ko‘p ko‘rganmiz.
Roya gazetasining 2020 yil 6 yanvar chorshanba kungi 320-sonidan