Qirg‘iziston Xavfsizlik kengashi rasmiysi hukumat kriminalga engilganini iddao qildi
Qirg‘iziston Xavfsizlik kengashi kotibining o‘rinbosari O‘murbek Suvanaliev qirg‘iz hukumati kriminalga taslim bo‘lganini aytdi.
U kuzda o‘tadigan parlament saylovida ishtirok etadigan qator partiyalarning ortida “jinoyat olami” turganini ta’kidlab, siyosatchilar ularga xizmat qilayotganini qo‘shimcha qildi:
-Qirg‘iziston parlamentida hamma joyda korruptsiya kuchaygani aytiladi. Biroq korruptsiyaning boshida uyushgan jinoiy guruhlar turganini, korruptsiyani o‘shalar boshqarayotganini hech kim aytmaydi. Erta-indin o‘ldirib ketishmasin, deb qo‘rqishadi. Buning sababi hukumat uyushgan jinoiy guruhlarga engilib qolganidadir,- dedi rasmiy 19 avgust kuni o‘tgan “Butun Qirg‘iziston” partiyasi qurultoyida.
Qirg‘iziston parlamentiga navbatdagi saylov 4 oktyabrda bo‘lib o‘tadi. Targ‘ibot-tashviqot ishlari esa 4 sentyabrda boshlanadi. “Ozodlik”
Izoh: Navbatdagi parlament saylovi ham, davlat apparati tomonidan g‘irromlik bilan o‘tishi kutilyapti. Farqi shundaki, hozir mamlakatda davlat apparatlari, kuch struktura va sud sistemasi tizgini prezident yoki hukumatning to‘la ta’siri ostida emas.
Atambaev bosh bo‘lib o‘tkazilgan Qirg‘iziston prezidenti saylovida, Jiyanbekovni prezidentlikka olib kelgan kuch hozirda parlamentni ham qo‘lga olishga harakat qilyapti. Davlat rasmiy apparatlaridan tashqarida iborat bu kuch saylovda bir necha partiyalarni moliyaviy dastaklab boryapti. Bu partiyalar o‘sha kuchga to‘laqonli xizmat qiladi yoki u kuch tomonidan ilgari surilgan bir qancha nomzodni parlamentga o‘tkazib berish bilan “qarz”larini to‘lashga kelishilgan.
Ularning kelishuvlari amalga oshsa, Qirg‘iz parlamentining salmoqli qismi o‘sha kreminal kuchlar ta’siri ostida qoladi. Buning ortidan etakchi guruh ham, mintaqa hokimi va kuch strukturalari ham, hukumat ham, hatto prezident ham o‘sha kuch ta’siri ostida qoladi. Bu kapitalizm sistemasining tabiiy jarayoni bo‘lib, unga bu sistema ichida barham berib bo‘lmaydi.
Kapitalistik sistema etakchisi bo‘lgan AQShda ham ahvol shundek. Uni ham kapitalistlar boshqaradi. Rossiyani esa oligarxlar (hokimiyatda turgan kapitalistlar) boshqaradi. Demak kapitalistik sistemada boy, badavlat odamlar hokimyatni manapoliya qilib olish yo‘li bilan davlatni boshqaradi. Ular o‘zlarining moliyaviy, iqtisodiy manfaatlarini saqlash va yanada ziyoda qilish yo‘lida hokimiyatdan vosita sifatida foydalanishadi.
Qirg‘iziston ham, olamiy boshqaruv sistemasining tabiiy yo‘lidan kapitalizmga moslashib, shakllanib boryapti. Bu sistemada moliya asosiy o‘rinni egallaydi. Ertami kechmi, boy – badavlat odamlar etakchi guruhni va uning vositasida davlat tizginini ham albatta qo‘lga oladi. Hatto Karimov va Putin singari diktatorlar rejimini ham, o‘sha etakchi oligarx kuchlar boshqarib keladi.
Eng achinarli joyi shundaki o‘sha kapitalistlar mamlakat va xalq manfaatlarini tolon-taroj qilish yo‘llari bilan boylik orttirishadi. Davlat mexanizmlari va chiqarilayotgan qonunlar ularga va ularning iqtisodiy manfaatlariga moslashtirilgan! So‘ng o‘sha, bizdan o‘g‘irlab olinayotgan boyliklarning bir qismi bilan bizni yana bir necha yillarga sotib olishmoqchi!
Birodarlar kufr sistemasiga asoslangan partiyalarni hokimiyatga kelishi uchun hissa qo‘shish haromdir! Saylovda ishtirok etishdan va biror partiyani qo‘llab undan pora (pul) olishdan saqlanaylik! Allohga osiy bo‘lib, oxiratimizni arzimas dunyo matohiga sotib yuborishdan taqvo qilaylik. Kelayotgan kuchlarning barchasi botil yo‘lda. Ularning birortasini qo‘llash mumkin emas. Ularning birortasiga sotilib xizmat ko‘rsatish bilan, ularning biriga aylanamiz. Qiyomatda ular bilan bir safda tirilib, birga jazolanib qolishdan Allohdan qo‘rqaylik!
Abdurazzoq Mo‘’min.