Oʻzbekiston Xitoyning Shinjondagi siyosatini qoʻllab-quvvatladi
Oʻzbekiston BMTga Xitoyning Shinjondagi uygʻurlarga muomalasini qoʻllab-quvvatlab murojaatnoma imzoladi. Bu haqda Xitoy tashqi ishlar vazirligi xabar bermoqda.
“Yaqinda BMT Jeneva qarorgohidagi 50 mamlakatning elchisi Xitoyning Shinjon masalasidagi pozitsiyasini qoʻllab-quvvatlab, BMT Inson huquqlari kengashining (UNHRC) prezidenti va Inson huquqlari boʻyicha Oliy komissariga qoʻshma murojaat imzoladi”, dedi Xitoy tashqi ishlar vazirligining matbuot kotibi 29 iyulda.
Xitoyning Shinjondagi uygʻur va boshqa milliy ozchiliklarga nisbatan siyosatini qoʻllab-quvvatlagan bu 50 davlatning ichida Oʻzbekiston ham bor. Markaziy Osiyodan Oʻzbekistondan tashqari Xitoyning pozitsiyasini Turkmaniston va Tojikiston ham qoʻllab-quvvatlagan.
“Xitoyni qoʻllab-quvvatlagan 50 mamlakatning BMTdagi elchisi Xitoyning inson huquqlari borasidagi salmoqli yutuqlarga erishganini olqishlagan. Ular Xitoyning kontr-terrorizm va deradikallashtirish siyosatini, xususan, qayta tarbiyalash markazlarining faoliyati natijasida Shinjonga barqarorlik qaytganini va oxirgi uch yilda bitta ham terakt sodir etilmaganini eʼtirof etishmoqda”, – dedi Xitoy TIV matbuot kotibi Xua Chuning.
Iyul boshida BMT Inson huquqlari kengashidagi 22 davlat Xitoyning Shinjondagi uygʻurlarga muomalasi tanqid qilingan murojaatnomani imzolagan edi. Ularning aksariyati Gʻarb davlatlari boʻlib, ichida birorta ham islomiy yurtdan vakil boʻlmagan.
Soʻngra,12 iyulda Saudiya Arabistoni, Rossiya va boshqa 35 davlat BMTga Xitoyning Shinjondagi uygʻurlarga muomalasini qoʻllab-quvvatlab murojaatnoma imzolagan. Xitoy tashqi ishlar vazirligining maʼlumotiga koʻra, bu 35 davlatga shu kunlar yana 15 davlat qoʻshilibdi.
Rasululloh sollallohu alayhi va sallam:
“Ochofatlar oʻz idishiga tashlanganidek xalqlar sizlarning ustingizga tashlanadilar”. Shunda bir kishi: “Oʻsha vaqtda biz ozchilik boʻlamizmi?”- dedi. Rasululloh: “Yoʻq, oʻshanda sizlar juda koʻpchilik boʻlasizlar, lekin daryoda oqib kelayotgan xas-choʻpga oʻxshab qolasizlar. Alloh dushmanlaringizni qalbidan sizlardan qoʻrqishni chiqarib tashlaydi, dillaringizda VAHN paydo qiladi”. Shunda: “yo Rasululloh, VAHN nedir” deb soʻradi. Rasululloh: “U – dunyoni yaxshi koʻrish va oʻlimni yomon koʻrishdir”, – dedilar. (Abu Dovud rivoyati).
Darhaqiqat, Paygʻambarimiz sollallohu alayhi va sallam bundan 1400 yil oldin bashorat qilgan voqelik bugungi kunda ustimizga tushmoqda. Dunyodagi 1,5 milliarddan ziyod musulmonlar ustidan kofirlar koʻngillariga kelgan ishni qilishmoqda. Musulmonlarning bunday holga tushishlariga ularni Islomni mahkam ushlaganlari emas, balki Islomdan uzoqlashib, zimmalarida vojib boʻlgan yaxshilikka buyrib, yomonlikdan qaytarish hamda hokimlarini muhosaba qilishlaridan voz kechganlari sabab boʻlmoqda. Ustilarimizga oʻrnatib qoʻyilgan qoʻgʻirchoq hokimlar musulmonlarga zulm qilishdan tashqari musulmonlarga hiyonat qilishda davom etishlariga qaramay bizlar ularni muhosaba qilishda oʻzimizni javobgar deb his qilmay qoʻydik. Shu sababli ham bu hokimlar Islom va musulmonlarga qarshi boʻlayotgan kurashga sukut saqlaganlari kamlik qilgandek, bu kurashning oldingi safiga chiqib olishdi. Suriyada yuz minglab musulmonlar qirgʻin qilinganida, Birma (Mьyanmar)da najas butparastlar tomonidan rohinja musulmonlari qatliom qilinganida, Allohning laʼnatiga duchor boʻlgan yahud qovmi Falastinda muslimalarni qatl qilib, Masjidul Aqsoni tahqirlaganda… sukut saqlaganimiz kabi, Xitoyda millionlab musulmonlar nohaq qamoqqa tashlanganidan ham sukut saqlamoqdamiz. Shu sukutimiz sababli ustimizdagi ruvaybiza hokimlar bizning nomimizdan Xitoy qatagʻonini qoʻllab-quvvatlashmoqda…
Rasululloh sollallohu alayhi va sallam aytdilar:
“Jonim Uning qoʻlida boʻlgan Zotga qasam! Yo yaxshilikka buyurasizlar, munkar – gunoh ishlardan qaytarasizlar yoki (agar amri maʼruf va nahiy munkar qilmasangizlar) yaqinda Alloh sizlarning ustingizga Oʻzining uqubatini – baloyu azoblarini yuboradi, bas, (ana shu payt) sizlar U Zotga duo-iltijo qilsangizlar ham (duolaringiz) qabul boʻlmaydi!”. (Imom Termiziy rivoyati).
Ey musulmonlar, biz paygʻambarimiz Muhammad sollallohu alayhi va sallam koʻrsatib bergan yoʻl orqali Xalifalik davlatini barpo qilmagunimizga qadar bunday xorlikdan boshimiz chiqmaydi. Musulmonlar qalqoni Xalifalik qayta vujudga kelmas ekan har qanday haqir kimsa musulmonlarga va Islom qadriyatlariga qarshi borishga jurʼat qilaveradi. Zero faqat Xalifalik davlatigina nafaqat musulmonlarni, balki butun insoniyatni Islom adolatiga olib chiqishga qodir!
Abdurahmon Odilov