Erdogan AQSH siyosatiga qadamma-qadam ergashmoqda
Hijriy 1440 yil 5 jumodul-avval, milodiy 2019 yil 11 yanvar juma kuni “Inab baladiy” veb-sayti quyidagi xabarni nashr qildi:
«Rossiya Tashqi ishlar vazirligi Qoʻshma Shtatlarni Suriyadan kuchlarini olib chiqib ketgach, u yerlarni Suriya rejimiga topshirishga chaqirdi.
11 yanvar juma kuni Rossiya Tashqi ishlar vazirligi matbuot voizasi Mariya Zaxarova matbuot konferensiyasi oʻtkazib, unda Suriya rejimi Suriya shimoliy sharqidagi kurdlar yashovchi hududni oʻz nazorati ostiga olishi lozimligini aytar ekan, “Suriya rejimi oʻz qoʻshnilari xavfsizligini taʼminlashi shart”, deya taʼkidladi. Zaxarova qoʻshnilari, deganda oʻz milliy xavfsizligi uchun xavotirlanayotgan Turkiyani nazarda tutdi».
Roya gazetasi sharhi:
Amerika Suriyadagi siyosiy yechimini tatbiq etishga muvaffaq boʻlish uchun Erdoganni ulov qilib minishda davom etmoqda. Chunki Turkiya oʻzining tashqi siyosatida Amerika koʻrsatmalari boʻyicha qadam tashlab, uning rejalarini amalga oshiradi. Bunga dalillar talaygina. U ertaga bufer zona siyosatidan voz kechib, avtonom hudud siyosatiga oʻtishi ham mumkin. Axir, Turkiya kuni kecha Bashar Asad ishtirok etmaydigan oʻtish davridan ishtirok etadigan oʻtish davri siyosatiga koʻchdi-ku!
Roya gazetasining 2018 yil 16yanvar chorshanba kungi 217-sonidan