Qirgʻiziston chegaralarini mustahkamlamoqda
Davlat chegara xizmati raisi Ularbek Sharsheyevning maʼlum qilishicha, Qirgʻizistonning davlat chegaralarida terrorchilarga qarshi kurashish maqsadida qoʻshimcha blokpostlar qoʻyildi. Bu haqida“Kabar” agentligi xabar qilmoqda.
Sharsheyevning soʻzlariga koʻra, Afgʻoniston Qirgʻiziston uchun alohida xavf tugʻdiradi.
Xabarlarda aytilishicha, soʻnggi paytlarda xalqaro terrorchilik tashkilotlari, xususan, “Tolibon” harakati hamda “IShID”ning katta kuchlari Markaziy Osiyoning qator davlatlari chegaralariga yaqin yerda joylashib oldi. Soʻnggi maʼlumotlarga koʻra, 10 mingdan ortiq jangari bor, bu Qirgʻizistonga ham taʼsir koʻrsatishi mumkin.
“Shu munosabat bilan, xalqaro terrorchilik tashkilotlari aʼzolarining respublikamiz hududiga kirishiga yoʻl qoʻymaslik maqsadida uzoq uchastkalarga chegara-qidiruv guruhining boʻlinmasi yuborilmoqda – shunday shaxslarning ehtimoliy harakatlanish yoʻliga. Bundan tashqari, vaqtinchalik qoʻshimcha blokpostlar oʻrnatildi”, – dedi Sharsheyev.
Turkiston:
AQSh loyihasi boʻlmish “IShID” vahimasidan Rossiya ham oʻz maqsadlari yoʻlida foydalanib, shu yoʻl bilan Markaziy Osiyoda oʻzining harbiy ishtirokini kuchaytirb olishga harakat qilmoqda. Rossiyaning bunday vahimali tashviqotidan mintaqadagi Qirgʻiziston va Tojikiston kabi zaif davlatlar xavotirga tushib qolishgan boʻlsa, boshqa davlat rahbarlari esa oʻz hokimiyatlarini mustahkamlab olishda foydalanishmoqda.
Aslida mantiqiy mulohaza yuritadigan boʻlsak “Tolibon” ham, “IShID” ham davlat maqomini olgan muayyan hudud bilan chegaralangan oʻz mamlakatiga ega emas islomiy harakat yoki tashkilotlardir xolos. Ular oʻzlari uchun oʻzlari zamonaviy qurol aslaha tayyorlab olish quvvatiga ham ega emas. Demak ular tomonidan farazan Oʻrta Osiyo tomonga yurish qilish maqsadi paydo boʻlganida ham ular qaysidir boshqa, qurol ishlab chiqarish quvvatiga ega mamlakat yoki kuchlar tomonidan qurollantirilishi va muayyan maqsadlar sari yoʻnaltirilayotgan boʻlishlari kerak.
Agar Qirgʻiziston chegara xizmati rahbarining vahimali maʼlumotlari toʻgʻri boʻlgan taqdirda ham Rossiya Qirgʻizistondagi xavfsizlikni taʼminlash bahonasida Qantda harbiy baza tashkil etgan va harbiy bazasini mamlakat janubida ham tashkil etish rejasini ishlab chiqqan.
Kufr olami Markaziy Osiyoda navbatdagi qattiq bir silkinishga tayorgarlik koʻrishayotgandek harakat olib boryapti. Ular oʻzlariga moyil yetakchilarni oʻz atroflariga toʻplab olib, ular vositasida mintaqada olib borayotgan repressiyani yanada kuchaytirish orqali urush holatini paydo qilishmoqchi. Chunki Afgʻoniston vahimasi Markaziy Osiyo mamlakatlarida davlat tomonidan musulmonlarga qarata repressiv harakatlarni yanada kuchaytirilishiga sharoit yaratib beradi. Bu esa, davlat bilan musulmonlar oʻrtalaridagi jarlikni kengaytiradi. Natijada, Afgʻonistondagi holat Markaziy Osiyoga koʻchib oʻtishi uchun oʻta keskin vaziyat yuzaga keladi. Bu kabi xoin yetakchilarimiz kufr tomonidan oʻzlari uchun kafolat berilgan tinchlik, osoishtalik uchun bila turib oʻz mamlakatlarini jar yoqasi tomon tortishyapti.