Rossiya AQSh ustidan JSTga shikoyat qildi
Rossiya Iqtisodiy rivojlanish vazirligi rahbari Maksim Oreshkinning maʼlum qilishicha, mamlakat Jahon savdo tashkilotiga (JST) AQShning poʻlat va alyuminiyga yangi bojlari boʻyicha shikoyat bilan chiqdi. Bu haqda RIA “Novosti” xabar bermoqda.
“Rossiya Jahon savdo tashkilotiga AQShning poʻlat va alyuminiyga qoʻshimcha bojlar joriy etish qarori boʻyicha shikoyat bilan chiqdi”, – deya aytib oʻtdi Oreshkin.
Uning aniqlik kiritishicha, shikoyat arizasiga AQShning JST qoidalarini koʻp bora buzgani sabab boʻlgan.
Shuningdek, Rossiyadan tashqari, Xitoy, Hindiston, YeI, Kanada, Meksika va Norvegiya ham AQSh ustidan shikoyat bilan chiqqani aytiladi.
Avvalroq, GFR kantsleri Angela Merkelь AQSh tomonidan poʻlat va alyuminiyga joriy etilgan bojlar qonunga zid ekani haqida maʼlum qildi. Uning taʼkidlashicha, Germaniya bu masala boʻyicha muzokaralarni davom ettirishni xohlaydi.