Rossiya AQSh harakatlaridan tashvishda
Rossiya AQShning sobiq sovet ittifoqi mamlakatlarida tibbiy-biologik faollikni oshirayotganidan tashvishlanmoqda, dedi Rossiya TIV rasmiy vakili Mariya Zaxarova.
“Biz haqiqatan ham sobiq sovet hududida AQSh harbiy muassasasining tibbiy-biologik faolligi oshib borayotganligidan tashvishlanmoqdamiz va amerikaliklarning bizni ishontirishlariga qaramasdan, bu faoliyat sobiq sovet ittifoqi respublikalarida profilaktika, yuqumli kasalliklarga qarshi kurashish kabi gumanitar maqsadlarda emas, balki Pentagon manfaatlari uchun amalga oshirilmoqda deb hisoblaymiz”,- dedi u brifingda.
Avvalroq fuqarolik jamiyatini rivojlantirish va inson huquqlari boʻyicha kengash yigʻilishida prezident Vladimir Putin turli elatlar vakillarining biologik materiallari (soch, tuk, teri, tirnoq, qon va shu kabilar) qanday maqsadlarda olinayotganligi Rossiya uchun tushunarsiz boʻlayotganligini aytgandi. Prezidentning matbuot kotibi Dmitriy Peskovning aniqlik kiritishicha, Rossiya maxsus xizmatlari ayrim emissarlar va ilmiy-ishlab chiqarish birlashmalari turli elatlarning biologik materiallarini yigʻayotganligi haqida maʼlumotga ega boʻlgan, deyiladi “Sputnik” xabarida.
Keyinchalik AQSh HHK oʻquv aviatsiya qoʻmondonligi vakili Bo Dauni Pentagon inson biomateriallarini tayanch-harakat tizimini oʻrganish uchun yigʻayotganligini va rossiyaliklarning bu maqsad uchun tanlanganligi tasodif ekanligini bildirgandi