Ostonada muzokaralar olib borilayotgan paytda Suriyada qirgʻin davom etdi
AQSh rahnamoligida Rossiya, Turkiya va Eron davlatlarining vakillari Ostonada Suriya muxolifati vakillari bilan muzokaralar olib borayotgan bir paytda Rossiya va Asad kuchlari Homs shahrini bombardimon qildi. Hujumda yosh bolalar qurbon boʻldi.
Ostona uchrashuviga taklif etilgan muxolif guruhlar Asad rejimining otashkesim qaroriga amal qilmaganligi tufayli uchrashuvga kelmasliklarini eʼlon qilishgan edi. Chunki Ostona muzokaralari otashkesim ortidan oʻtkazilishi kerak boʻlgan uchrashuv edi. Biroq oradan ikki kun oʻtmasdanoq, “Otashkesim va gumanitar yordam borasida muzokara olib borish uchun Ostonaga boramiz”, deya uchrashuv boshlanmasdan yon berishni boshlashdi.
Maʼlumki, Ostona uchrashuvini AQSh oʻzi “moʻʼtadil” deb bilgan guruhlar qoʻli bilan amalga oshirmoqda. Bu guruh Suriya xalqining vakili boʻlmasa-da, Suriya xalqining nomidan xiyonatkorona hamkorlik shartnomalarini imzolamoqda.
Olti yildan buyon Suriya xalqining qonini toʻkib kelayotgan qotillar bilan bir stol atrofida oʻtirish katta jinoyatdir. Chunki Ostona va Jeneva muzokaralari xuddi Halab kabi, butun Suriyani Asad rejimiga topshirishdan boshqa narsa emas. Ostona va Jeneva muzokaralaridan chiqadigan natijalarga binoan, hokimiyat Suriya xalqini va dinini sotgan guruhlar bilan qotillar oʻrtasida taqsimlanishi koʻzda tutilgan.
Ostona uchrashuvi Suriya xalqi bilan birga ekanligini tinimsiz daʼvo qilib kelayotgan Turkiya uchun ham sharmandalikdir. Musulmon oʻlkalarining rahbarlari Suriya xalqiga yordam berish uchun qoʻzgʻalish oʻrniga Ostona, Jeneva va boshqa halokatli muzokaralarni mamnuniyat bilan qabul qilishlari ularning naqadar pastkash kimsalar ekanligini koʻrsatib turibdi. Suriyadagi vaziyat bir qancha mamlakat rahbarlari va hizbulloh kabi jamoalarning haqiqiy basharasini ochib tashlagani kabi, bunday hamkorlikning ham haqiqiy basharasi ochib tashlaydi insha Alloh.