Rossiya Oʻzbekistonning asosiy strategik hamkori
Oʻzbekiston mudofaa vaziri, general-polkovnik Qobul Berdiyevning soʻzlariga koʻra, Rossiya Oʻzbekiston uchun asosiy strategik hamkor hisoblanadi. U rossiyalik hamkasbi Sergey Shoygu bilan uchrashuvida shunday fikrni bildirgan.
“Bizni Rossiya bilan juda koʻp narsa bogʻlab turadi. Aytish mumkinki, bogʻlab turadi emas, balki biz qandaydir boʻlinmaganmiz. Balki, oʻzaro hamkorligimiz unchalik ham faol boʻlmagan davrlar boʻlgandir, biroq, biz har doim Rossiya bilan birgamiz, Rossiya biz uchun asosiy strategik hamkordir”,- dedi Berdiyev.
U shuningdek, 2012 yildan eʼtiboran toʻxtatib qoʻyilgan oʻzbek ofitserlari va kursantlariga Rossiya harbiy oʻquv bilim yurtlarida taʼlim berilishining qayta boshlanishi munosabati bilan Sergey Shoygugu minnatdorchilik bildirdi.
Bundan avvalroq, Oʻzbekiston va Rossiya mudofaa vazirlarining uchrashuvida ikki davlat oʻrtasida harbiy-texnik hamkorlikni rivojlantirish boʻyicha shartnoma imzolangan edi.