8 aprel kuni Toshkent shahrida Qozog’iston respublikasi raisligida ShHT aksilterror tuzilmasi kengashining navbatdagi 28-yig’ilishi bo’lib o’tdi.
Bu haqda O’zbekiston respublikasi tashqi ishlar vazirligi xabar bermoqda. Unda Qozog’iston, Xitoy, Qirg’iziston, Rossiya, Tojikiston va O’zbekiston vakillari ishtirok etdilar. Yig’ilishda ShHTga a’zo davlatlarning terrorizm, separatizm va ekstremizmga qarshi kurashishning 2013-2015 yillarga mo’ljallangan dasturi doirasidagi hamkorligi yakuni muhokama qilindi. Yakuniy hujjat tasdiqlandi.
Xitoy respublikasi hududida o’tkazilgan internetda terrorchilikka qarshi kurash borasida o’tkazilgan “Syamn-2015” hamkorlikdagi shtab mashg’ulotiga yuqori baho berildi. Tashkilotga a’zo davlatlar aholisi o’rtasida radikal g’oyalar, xudshudlar vositasida amalga oshiriladigan terrorchilik holatlarini oldini olishga qartilgan ishlarni takomillashtirish masalalari muhokama etildi.
ShHT davlatlarining mutasaddi tashkilotlari hamkorligida “Birlik-2016” nomli chegara operatsiyasini o’tkazishga qaror qilindi.
2016 yilning so’nggi choragida tashkilotga a’zo va kuzatuvchi davlatlar vakillari ishtirokida xalqaro terrorchilik va ekstremizmga qarshi hamkorlik masalasida ilmiy anjuman o’tkazish rejalashtirildi.