Rossiya tashqi ishlar vaziri Sergey Lavrov Moskvada tashkil qilingan matbuot anjumanida “Suriya ozod armiyasi” haqida AQShdan ma’lumot talab qilganligini, biroq hanuz javob olishga muvaffaq bo’lmaganligini bildirdi.
“Suriya ozod armiyasi real bo’lmagan bir guruhdir. AQSh davlat Kotibi Jon Kerridan “Suriya ozod armiyasi”ning makonlari va boshqaruv nuqtalari haqida ma’lumot berishni so’radim, ammo haligacha javob olganim yo’q. Agar haqiqatan ham “Suriya ozod armiyasi” o’z “o’rni”ga ega qurolli muxolifat bo’lsa, biz bu guruh bilan aloqa o’rnatishga tayyormiz. Buni hech kimdan yashirmaymiz”, dedi Rossiya tashqi ishlar vaziri.
Rossiya Prezidenti Vladimir Putinning matbuot kotibi Dmitriy Peskov ham G’arb davlatlari rahbarlaridan hech biri mu’tadil muxolifatning kim ekanligi haqidagi savolga aniq javob bermaganligini bildirdi.
“Putin haqiqatdan ham ajablanmoqda. Kim bu mu’tadil muxolifat”, dedi Peskov.
Peskov o’z bayonotida olg’a surishicha, Rossiya samalyotlari mu’tadil muxolifatni nishonga olganligiga doir gap so’zlar, atayin chiqarilgan. Peskovga ko’ra, G’arb davlatlari mu’tadil muxolifatning kimligini ham va nishonga olinishi kerak bo’lgan guruhlarning makonlariga oid razvedka ma’lumotlarni ham Rossiyaga bermay qo’ygan. Bu ma’lumotlar Rossiyaga Eron, Iroq va Suriya razvedka bo’limlari tarafidan etib kelgan.
“G’arb davlatlari mu’tadil muxolifatning kimligini ham bizga aytishmaydi, haqiqiy terrorchilarning makoniga oid razvedka ma’lumotlarini ham bermaydi. G’arb biz bilan muvofiq shaklda faoliyat olib borishni istasa mu’tadil muxolifatning kimligini bizga aytsin”, dedi u.
Kremlning bu bayonotlari G’arb davlatlari tarafidan Rossiya kuchlari Suriyada mo”tadil muxolifatni nishonga olganlikda ayblanayotgan bir paytga to’g’ri kelmoqda. Yevropa ittifoqi kengashining rahbari Donald Tusk Suriyada mu’tadil muxolifat Rossiya kuchlari tarafidan nishonga olishini tanqid ostiga olib, “Qonuniy muxolifat ustidan bomba yog’dirish orqali muammoni echib bo’lmasligi borasida hamfikrmiz”, dedi.
AQSh mudofaa vaziri Eshton Karter ham Rossiyani Suriya mo”tadil muxolifatiga hujum uyushtirishlikda aybladi. Karter Rossiyaning bu ishini “o’tga benzin quyish bilan barobar”, deya baholadi.
Turkiston:
Rossiyaning bu bayonotlari va davomli raketali hujumlari, G’arb tomonidan Suriyadagi olib borilayotgan maxfiy harakatlarini, ularning o’zlarini ochib yuborishga majbur qilishi mumkin. Chunki Rossiya shu kungacha IDni emas, balki boshqa G’arbparast jamoalarni urishga harakat qilayapti. Negaki ID butun dunyo oldida salbiy obruyga ega bo’lsa, “Suriya ozod armiyasi”ni Asadni o’rnini egallashi uchun, ijobiy tus berilib olib kelinayotgan edi.