2 iyul, Misr. Qohiraning Kit-Kat rayonidagi prezident Muhammad Mursi tarafdorlari bilan muxolifat o’rtasidagi to’qnashuvlarda o’nga yaqin odam halok bo’lgan.
Mursi tarafdolari va unga qarshilar bilan to’qnashuvlar ayni vaqtda Misrning bir necha viloyatida ketmoqda. Aleksandriyadagi tartibsizliklarni politsiya ko’zdan yosh oqizuvchi gaz ishlatib tinchlandirishga harakat qilmoqda.
Kafr-ed-Davar rayonidagi to’qnashuvlarda ham o’nlagan jarohat olganlar haqida ma’lumotlar kelmoqda. Qohiraning janub tomonidagi Asyutda tartib o’rnatish uchun armiya bo’linmalari joylashtirilgan. Poytaxt chekkasidagi Xeluanda notanish shaxslar tomonidan «Musulmon birodarlar» qarorgoxi yoqib yuborilgan.
30 iyun kuni boshlangan hukumatga qarshi namoishlarda 20 dan ortiq odam halok bo’lgan, jabrlanganlar yuzlab xisoblanmoqda.
Shu vaqtning o’zida, «Al-Mayadin» telekanali bergan ma’lumotga ko’ra, rahbariyatning yuqori eshelonida o’zaro kelishuv varianti muhokama qilinmoqda. Bu variantda Mursi o’z lavozimida muxlatining oxirigacha qoladi, biroq o’z vakolatining ko’p qismini milliy qutqarish hukumatiga topshiradi. Muhokamaning ketishiga qaraganda, bu kelishuv kafilligini Misr Qurolli kuchlari o’z zimmasiga oladi.