بِسْمِ اللهِ الرَّحْمٰنِ الرَّحِيمِ
Ey musulmonlar armiyalari! G‘azoga yordam ko‘rsatish uchun xoin hukmdorlaringiz ruxsatini kutmanglar
Al-Jazira net, chorshanba, 1447 yil 26 safar – 2025 yil 20 avgust, o‘zgartirilgan tarzda: Eron mudofaa vaziri Aziz Nasirzodaning ma’lum qilishicha, Tehron yahudiy vujudi hujumidan so‘ng ustun imkoniyatlarga ega yangi turdagi raketalarni ishlab chiqdi. U bu haqda chorshanba kuni poytaxt Tehronda o‘tkazilgan mudofaa sanoati kuniga bag‘ishlangan tadbirdagi nutqida bayon etdi. Bu xabarni Eronning «Tasnim» axborot agentligi tarqatdi. Nasirzodaning ta’kidlashicha, 12 kunlik urush davomida qo‘llanilgan raketalar mudofaa vazirligi tomonidan bir necha yil avval ishlab chiqilgan. U nutqida: «Bugun esa biz avvalgilardan ustun imkoniyatlarga ega yangi raketalarni ishlab chiqdik», deya qo‘shimcha qildi. Shu bilan birga, mamlakatga qayta hujum qilinsa, ushbu raketalar qo‘llanilishini alohida ta’kidladi.
Roya: Ushbu xabar va shu kabi ma’lumotlar Islom Ummati ulkan salohiyatga ega ekanini hamda uni aslo kamsitib bo‘lmasligini ko‘rsatmoqda. Ummat yahudiylarga, hatto yurtlari yoki nomuslariga tajovuz qiladigan har qanday dushmanga qarshi urush olib borish va ularni mag‘lub etish qobiliyatiga ega.
«Biroq musulmonlarning xiyonatkor hukmdorlari armiyalarni Ummatga yordam berish va bosib olingan yurtlarni ozod etishdan to‘sib turibdi. Masalan, Eron mudofaa vaziri yangi raketalar faqat Isroil davlati uning yurtiga yana hujum qilgan taqdirda ishlatilishini ta’kidlamoqda. Demak, u va boshqa musulmon hukmdorlari yahudiy davlatining hozir G‘azo ahliga qilayotgan hujumini o‘zlariga qilingan hujum deb hisoblamaydi. Holbuki, Rosululloh ﷺ
«مَثَلُ الْمُؤْمِنِينَ فِى تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى»
«Mo‘minlar bir-birlariga mehr-muhabbat, rahm-shafqat va hamdardlikda xuddi bir tana kabidirlar. Agar uning biror a’zosi og‘rib qolsa, butun tana isitmalab, bedor bo‘lib chiqadi», deganlar. Shu sababdan Ummat ichida ta’sir va qudrat sohibi bo‘lgan kuchlar yahudiy vujudini yo‘q qilish yo‘lida shoshilinch harakatga kelishlari zarur. Ular Amerikaga itoat etish va yahudiy vujudini himoya qilishdan boshqa tashvishi yo‘q hukmdorlarning izidan ergashmasliklari kerak.
Roya gazetasining 2025 yil 27 avgust, chorshanba kungi 562-sonidan