Yevropa ittifoqi Qozog‘iston va O‘zbekistonga nisbatan sanksiyalar joriy qilishi mumkin
Yevropa ittifoqi Qozog‘iston, O‘zbekiston, Xitoy va Turkiyaga sanksiyalarni chetlab o‘tib, ayrim tovarlarni Rossiyaga jo‘natishini to‘xtatish uchun sanksiyalar joriy qilishi mumkin. Bu haqda Politico sayti xabar qildi. Ma’lumotga ko‘ra, Yevropa ittifoqi bunday chorani Rossiyaga qarshi sanksiyalarning 11-to‘plamiga kiritishi mumkin. Bunga qadar sanksiyalar faqat Rossiyaning o‘ziga nisbatan qo‘llanilgan. Sanksiyalarning navbatdagi bosqichi yaqin kunlarda qabul qilinadi. Unga Rossiyaning 72 fuqarosi va 31 kompaniya kiradi.
Avvalroq Yevropa va AQSHning maxsus vakillari Markaziy Osiyo davlatlarida bo‘lib, Rossiyaga nisbatan joriy etilgan sanksiyalarni chetlab o‘tish yo‘llarini to‘xtatish bo‘yicha uchrashuvlar o‘tkazgan edi. Masalan, mart oyi oxirida Yevropa ittifoqining sanksiyalar bo‘yicha maxsus vakili Devid O’Sallivan ittifoq davlatlaridan Markaziy Osiyo orqali Rossiyaga tovarlar sotish 300%gacha oshganini aytgan edi.
Ma’lumki, Rossiya va Markaziy Osiyo davlatlari o‘rtasidagi tovar ayirboshlash o‘tgan yilga nisbatan 15% o‘sib, 40 milliard dollardan oshdi. Ular orasida Qozog‘iston bilan tovar ayirboshlash hajmi 10 foizga oshib, 26 milliard dollarga yetdi. Bu davlat bilan savdo aylanmasi 2021-yili 30 foizga o‘sgan. O‘zbekiston bilan tovar ayirboshlash hajmi 23 foizga oshib, 9,28 milliard dollarni tashkil etgan. Qirg‘iziston bilan bo‘lgan savdo hajmi 30 foizga oshib, 3 milliard dollarni tashkil etdi. Tojikiston bilan tovar ayirboshlash 18 foizga oshdi va 1,5 milliard dollarga yetdi. Ayni paytda Tukmaniston va Rossiya o‘rtasidagi savdo hajmi 1 milliard dollarni tashkil etdi. Albatta, bu raqamlar rasmiy ro‘yxatdan o‘tgan tovarlar ko‘rsatkichi hisoblanadi. Sanksiya ostiga tushgan tovarlarning asosiy qismi esa yashirin va boshqa tovarlar nomi bilan o‘tkaziladi.
Ukraina inqirozi ortidan nufuz talashish maydoni Markaziy Osiyoga o‘tayotgani sir emas. Bunga oxirgi siyosiy voqealar, Markaziy Osiyo rahbarlari va yirik davlatlar o‘rtasidagi munosabatlar ham shundan dalolat bermoqda. Xususan, S5+1 sammitlari bahonasi bilan har bir mustamlakachi mintaqani o‘z ta’siri ostida ushlab turishga harakat qilmoqda. Demak, sanksiyalar ana shu siyosiy manfaatlar doirasida qabul qilinadi. Boshqacha aytganda, Markaziy Osiyo davlatlarining Rossiyaga yaqinlashuvi kuchayib borsa sanksiyalar joriy etiladi. Aksincha, Rossiyadan uzoqlashish sari qadam tashlasa bu tahdidlar so‘zligicha qoladi.
Biz musulmonlar toki manfaatga asoslangan, zulm ustiga qurilgan kapitalistik tuzumdan bosh tortib, o‘z Islomimiz sari yuzlanmas ekanmiz mustamlakachilarning ustimizdagi hukmronligi davom etaveradi. Shuning uchun nafaqat Markaziy Osiyodagi, balki butun dunyodagi musulmonlarni bu xorlikdan qutqaradigan Xalifalik davlatini tiklash orqali ustimizdagi zulmni to‘xtatishga harakat qilishimiz shart!
Mumtoz Maveranaxriy