بِسْمِ اللهِ الرَّحْمٰنِ الرَّحِيمِ
Sabab noqonuniy migratsiyami yoki irqchilik?!
Shu nom ostida Hizb ut-Tahrir markaziy matbuot bo‘limi ayollar qismi bayonot nashr qilib, quyidagilarni ta’kidladi:
«Ummat boshdan kechirayotgan ko‘p fojiaviy hodisalardan biri migrantlar mingan qayiqning cho‘kishi hodisasi bo‘ldi. Ular xavfsiz va munosib hayot izlab Turkiyadan Italiyaga ketayotgandilar. Ammo ularni hayotdan oldin o‘lim kutib turgan ekan… 200 nafar migrantlardan 65 nafari halok bo‘ldi, ulardan 12 nafari bolalar. Bu hodisaga bo‘lgan reaksiya bundan 102 yil muqaddam Ummat boshiga tushgan fojiani eslatmoqda. O‘shandan beri bizning Islomiy Xalifalik davlatimiz ag‘darilib, kunimiz eng razil-rasvo kimsalarga qolib kelmoqda. Jonimiz, molimiz nomusimizning sariq chaqalik qadri qolmadi. Yerlarimiz dushmanga halol qilinib, o‘z diyorimizda hujumga uchraydigan bo‘ldik va ortida turib jang qilinadigan, u bilan himoyalaniladigan qalqonimiz yo‘qoldi. O‘z yurtimizga o‘zimiz sig‘mayapmiz. Chunki u yerda na xavfsizlik, na g‘amxo‘rlik va na hurmat bor, hatto oddiy turmush tarzining eng past darajasi ham yo‘q. Musulmon o‘z jonini va oilasini olib, durustroq hayot topish ilinjida yurtidan qochib chiqyapti. Ammo buning foydasi bo‘lmayapti. Chunki u uchinchi dunyo musulmoni, demakki, tirik yo o‘lik holda bir chetga uloqtirilishga mahkum. Halokatga uchraganida qutqargani hech kim topilmaganidek, hayotida ham unga g‘amxo‘rlik qiladigan hech kimi yo‘q, o‘lsa ham birov unga yig‘lamaydi!».
Bayonot quyidagi so‘zlar bilan yakunlandi:
«Agar ukrain migrantlari cho‘kib o‘lganda, bugungi xalqaro tartib faqat bayonotlar bilan kofoyalanarmidi?! O‘zlarini oppoq qilib ko‘rsatish va qonli qo‘llarini yashirish maqsadida ukrain migrantlari hodisasini faqat kuzatish va matbuot bayonotlar belish bilan kifoyalanisharmidi?!».
Roya gazetasining 2023 yil 22 mart chorshanba kungi 435-sonidan