بِسْمِ اللهِ الرَّحْمٰنِ الرَّحِيمِ
Yaman ahli va rajab oyi
Hizb ut-Tahrir – Yaman viloyati matbuot bo‘limi nashr qilgan bayonotda bunday deyiladi:
«Yaman ahli har yili rajab oyining birinchi jumasini o‘zlari uchun muhim kun, ya’ni ajdodlarining Islomga kirgani kuni sifatida nishonlaydilar. U kunda Islom ne’mati uchun Allohga hamd va shukrona aytadilar. Darhaqiqat, o‘shanda imom Ali ibn Abu Tolib roziyallohu anhu Rosululloh ﷺning vakili sifatida San’oga kelib, Yaman ahlini Allohning diniga da’vat qilgan va u yerda katta San’o jome-masjidiga asos solgan. Rivoyat qilishlaricha, Ali roziyallohu anhu San’oga yetib kelib, Hamdon qabilasiga shunday bir xutba o‘qidiki, qabila ahli xutbasidan ta’sirlanib, ilk kunning o‘zida barchalari Islomga kiradilar. Shuningdek, ulug‘ sahobiy Muoz ibn Jabal roziyallohu anhu Janad (Janadiya) rayoniga yetib kelib, Janad masjidini quradi, Abu Muso Ash’ariy roziyallohu anhu Tihoma rayoniga yetib kelib, Zabid shahrida Ash’ariylar masjidini quradi».
Matbuot bayonotida yana bunday deyildi:
«O‘sha paytda Yaman bo‘lishib olingan edi: Bir tarafda qabilaviy kuchlar Hamir, Hazramavt, Kinda va Hamdoni o‘zlariga bo‘lib olgan bo‘lsa, ikkinchi tomonda forslar hokimiyati Adan va San’oni boshqarardi, uchinchi tomonda Najrondagi Jayb rimlik habashlarning nufuzi ostida edi. Jayb Najron nasroniylari joylashgan yerdir. Bu bo‘linish va bo‘lishib olishlarni Islomdan boshqasi yo‘q qilolmadi. Chunki Yaman ahli urushsiz ommatan Islomga kirdi va bu hijratning oltinchi asri bilan delegatlar yili bo‘lmish o‘ninchi yili o‘rtasida amalga oshdi. Biroq, Rosululloh ﷺ vafot etgandan so‘ng Yaman ahlidan ma’lum qismi murtad bo‘ldi. Shunda xalifa Abu Bakr Siddiq roziyallohu anhu Yamanga uchta qo‘shin yubordi. Natija Yaman ahlidan ba’zilarning o‘ldirilishi ortidan Yaman ahlining qayta Islomni qabul qilishlari bilan tugadi. Alloh peshonasiga yaxshilik yozilganlar Islomga qaytishdi. Ana shundan boshlab Yaman ahli qabila yoki oila tushunchasiga emas, Ummat tushunchasi atrofiga birlashdi. Keyinchalik ular Islomni yoyishga o‘z hissalarini qo‘sha boshladilar. Masalan, Amr ibn Os va boshqalarning qo‘shinida islomiy fathlarga chiqqanlari kabi. Yaman ahlidan ko‘pchiligi Shom o‘lkasida va boshqa islomiy yurtlarda qaror topishdi. Ispaniya-Andalusdagi qal’alar ularning nomlaridan guvohlik bermoqda, Granadadagi Hamdon qal’asi, Sevilladagi Xavlon qal’asi, Yahsub qal’asi va boshqa qal’alar kabi. Bundan tashqari, Iroq, Shom va Andalus ham yamanlik buyuk insonlarga guvohlik bermoqda, jumladan, ulamolardan qozi Omir ibn Sharohil Sha’biy, Masruq Hamdoniy, Tolha ibn Ma’rif Hamdoniy Yomiy, Ibrohim Naxa’iy Mazhijliy, Ashtar Naxa’iy va boshqalar kabi. Ulardan eng mashhurlari Sunna imomi Molik ibn Anas, qozi Iyoz Yahsubiy, yetuk amirlardan Abdurahmon G‘ofiqiy va Andalus sohibi Mansur ibn Abu Omir Muofiriy kabi».
Bayonot so‘nggida Yaman va hikmat ahliga bunday murojaat qilindi:
«Ey Imon va hikmat ahli! Ajdodlaringiz Islom uchun mana shularni bergan, ammo siz Islom uchun nimani berdingiz?! Siz Islomni bir chetga surib, kofir G‘arbning qonunlarini hayot tuzumi va turmush tarzi sifatida oldingiz. Keyin esa, kuchingizni bir-birlaringizga qarshi ishlatdingiz. O‘zaro janglar oqibatida bir-biringizning qoni nohaq to‘kildi. Bundan esa, dushmanlaringiz foydalanmoqda. Siz hukmdorlaringizga bo‘ysunib, sizga ne-ne azoblarni totdirishlariga, Alloh nozil qilgan ahkomlardan boshqa narsalarni tatbiq etishlariga, o‘zingiz ochlikdan qiynalayotgan bir paytda boyliklaringizni kofir G‘arbga berib yuborishlariga qo‘yib berdingiz. Shu bois, bunday holatdan chiqishingiz lozim. Aslida, siz Alloh buyurganidek dinni tashuvchilari bo‘lishingiz kerak va bunga loyiqsiz. Bas, shunday ekan, Payg‘ambarlik minhoji asosidagi ikkinchi roshid Xalifalikni barpo etish uchun Hizb ut-Tahrir bilan birgalikda harakat qiling va dunyo va oxiratning xayru ne’matlariga noil bo‘ling».
Roya gazetasining 2022 yil 8 fevral chorshanba kungi 429-sonidan