بِسْمِ اللهِ الرَّحْمٰنِ الرَّحِيمِ
Hizb ut-Tahrir – Gollandiya forumi
Yaqinda yana Yevropa davlatlarda, jumladan Shvetsiyada Alloh Subhanahuning Kitobiga tajovuzlar boshlandi. Stokgolmda Turkiya elchixonasi oldida Islom va musulmonlarni yomon ko‘ruvchi badbaxtlardan biri Mus’hafi Sharifni yoqdi. Keyin PЕGIDA nomli Islomga qarshi harakatning bir a’zosi Gollandiyada Mus’hafi Sharifni yirtib-parchaladi. Shuning uchun Qur’oni Karim Allohning buyuk Kitobi va islomiy aqidamizning asl bir bo‘lagi hamda har bir musulmonning sharafi bo‘lgani e’tiboridan, Hizb ut-Tahrir – Gollandiya 2023 yil 29 yanvar yakshanba kuni forum o‘tkazdi.
Forum «Islomga qarshi siyosat oqibatlaridan biri: Qur’onga hujum», deb nomlandi. Forum Qur’oni Karimdan tilovat qilish bilan boshlangach, birinchi ma’ruzani ustoz Sharif boshlab berdi. Ustoz o‘z ma’ruzasida musulmonlarning o‘tgan haftada sodir etilgan ikki hodisa, (Qur’oni Karimni yoqish va yirtish hodisasi)ga qanday qarashlari kerakligi haqida so‘z yuritib, ushbularni izohladi:
«… Bu o‘ta o‘ngchilardan biri yoki Islomni yomon ko‘ruvchilardan biri shaxs sifatida sodir etgan bir hodisa emas. Balki bu kofir G‘arb davlatlari Islomni, uning firklari, ahkomlari va unga aloqador har bir narsani o‘z jamiyatlaridan chiqarib yuborish maqsadida qo‘llayotgan siyosiy masaladir. Ular Qur’on madrasalarini yopishdi, niqobni taqiqlashdi, hatto o‘z dini ahkomlariga nisbatan ixlosi va amali kuchli, deya shubhalangan har bir musulmon haqida xabar berish uchun telefon liniyalarini ochishdi…».
«Bu kabi qilmishlarga javob qanday bo‘ladi?!», deb nomlangan ikkinchi ma’ruzani ustoz Kamol Abu Zayd qildi. U ma’ruzasida quyidagilarni ta’kidladi:
«… Musulmonlar uchun Allohning Kitobi juda muhimdir. Musulmonlarning bu qilmishga nisbatan reaksiyasi muqaddas narsalarining tahqirlanishida hargiz sukut va murosa qilib bo‘lmasligini namoyon etdi. Ular bunday razil qilmishlarga mutlaqo qarshi ekanliklarini bor ovozlari bilan e’lon etmoqlari lozim. Aks holda, qanchalar ovozlari pastlab, zaiflashsa, shunchalar ularning islomiy shaxsiyalari pastlab, o‘cha boshlaydi. So‘zim nihoyasida shuni aytmoqchimanki, bunday qilmishlarga sodda nazarda qarash aynan kofir G‘arb istayotgan narsadir. Chunki u musulmonlarning muqaddas narsalari ularning qalblaridan o‘chishini va o‘rniga ilmoniylik va uning badbo‘y muqaddas narsalari egallashini istamoqda…».
Roya gazetasining 2022 yil 8 fevral chorshanba kungi 429-sonidan