بِسْمِ اللهِ الرَّحْمٰنِ الرَّحِيمِ
IGAD organi Amerikaning Afrikadagi qo‘g‘irchoqlaridan biridir
2022 yil 30 noyabr chorshanba kuni Xartumdagi «Corinthia» mehmonxonasida IGAD davlatlari tashqi ishlar vazirlarining navbatdagi 48-anjumani bo‘lib o‘tdi. AQSHning Sudandagi elchisi Jon Godfri anjumanning ochilish nutqini boshlar ekan, Afrika muammolari bo‘yicha sa’y-harakatlar va yechimlarni, IGADning bu boradagi mehnatlarini olqishladi. U IGAD sa’y-harakatlarini uning qabul qilgan dasturi nuqtai nazaridan muhim va sezilarli, deya baholab, «IGADning Sudandagi siyosiy jarayonni osonlashtirish, demokratik o‘tishni qayta tiklash va o‘rnak bo‘lish roli»ga alohida urg‘u berdi.
Bunga izoh sifatida, Hizb ut-Tahrirning Sudandagi rasmiy notig‘i ustoz Ibrohim Usmon (Abu Xalil) Hizb ut-Tahrirning markaziy matbuot bo‘limi radiosi uchun bayonot yozib, unda quyidagilarni bayon qildi:
«IGAD, aslida, o‘z bayrog‘i ostidagi davlatlarning rivojlanishi bilan shug‘ullanuvchi organ bo‘lib, Hukumatlararo Rivojlanish Organi so‘zining inglizcha qisqartmasidir. 1996 yil tuzilgan va qarorgohi Jibutida joylashgan bu organ «Rivojlanish va cho‘llanish-qurg‘oqchilikka qarshi kurash bo‘yicha 1986 yil tuzilgan hukumatlararo organning o‘rniga muqobil sifatida tuzilgan. IGAD Jibuti, Sudan, Janubiy Sudan, Somali, Keniya, Uganda, Efiopiya, Eritriya davlatlarini o‘z ichiga oladi va Afrikadagi regional tashkilotlardan biri sanaladi. Uning asl vazifasi oziq-ovqat xavfsizligi va atrof-muhitni himoya qilishni ta’minlashdan iborat bo‘lsa-da, biroq, voqelik uning siyosiy rolini, ya’ni, Amerikaning Afrikadagi richaglaridan biri ekanini ko‘rsatmoqda.
AQSH elchisining Xartumdagi ushbu anjumanda nutq so‘zlab, IGADni va uning Sudandagi siyosiy jarayonni yengillashtirish rolini maqtaganligi bizning bu organ Sudandagi mojaroni amerikaparast harbiylar manfaatiga hal qiluvchi tomon, degan fikrimizni tasdiqlamoqda. Elchining demokratik o‘tish to‘g‘risidagi gapiga kelsak, bu Sudan ahlini aldashdan boshqa narsa emas».
Matbuot izohi so‘nggida ustoz Abu Xalil Sudan ahliga bunday dedi:
«Siz krizis yechimini IGADdan ham, Afrika Ittifoqidan ham, UNITAMSdan ham, boshqasidan ham qidirmang. Yechim, shuningdek, AQSH elchisida ham, Britaniya elchisida ham, ularning yurtdagi malaylarida yo‘q. Balki siz qidirgan yechim o‘z aqidangizda. Buyuk Islom aqidasi sizga buyuk vahiy ahkomlarini Payg‘ambarlik minhoji asosidagi ikkinchi roshid Xalifalik davlatida tatbiq qilishni buyuradi».
Roya gazetasining 2022 yil 7 dekabr chorshanba kungi 420-sonidan