Darʼa yana qonxoʼr rejimning sandoni bilan yarashuvchi jamoalarning bolgʼasi oʼrtasida

39
0

Matbuot bayonoti
Darʼa yana qonxoʼr rejimning sandoni bilan yarashuvchi jamoalarning bolgʼasi oʼrtasida

2022 yil avgust oyida Josim shahri «shaharda IShID askarlari bor», degan bahonada qamal qilindi. Oktyabr oyida qonxoʼr rejim kuchlari shaharni shturm qilib, shu orqali koʼpchilikni qatl qildi. Bundan oldin ham Tafas shahri xuddi shunday oʼyinga guvoh boʼlgan edi. Rejim kuchlari u yerni shturm qilishga va shaharliklar oʼrtasida fitna chiqarishga uringan edi. Bugun Darʼa shahri aynan Tofas va Josim shaharlarida qoʼllanilgan oʼsha bahona, oʼsha toʼqima stsenariy va oʼsha uslub bilan qayta front maydoniga aylantirilmoqda.
Qonxoʼr rejimning bu qilmishlar va tuzoqlar ortidagi maqsadi Hivron aholisi orasiga fitna urugʼini sochish va biriga qarshi boshqa biridan foydalanish hamda Hivron shahar va qishloqlari ustidan qayta nazorat oʼrnatishdir. Biroq ular kelishuv shartnomasiga rioya qilmaydigan hamda qonxoʼr rejim kuchlari va razvedka xizmati xodimlarini shahar va qishloqlarga kiritmaydigan ahdiga sodiq insonlarni yoʼq qilmaguncha bunga aslo muvaffaq boʼlolmaydi. Buning uchun bahona tayyor boʼlib, ular oʼz rejalari qarshisida turgan har qanday kishidan qutulish uchun «IShIDning baʼzi sobiq unsurlari bor», degan bahonani roʼkach qiladi.
Аmmo u oʼzining ojizligi sababli yarashishga rozi ayrim jamoalar (harbiy xavfsizlikka doʼst guruhlar)dan foydalanish maqsadida turli fitnalar uyushtiryapti, ularni bir-biriga gijgijlayapti. Shu orqali oʼzining hukmronligiga rozi boʼlmayotgan va fitnalariga qarshi turayotgan insonlarni yoʼq qilishga urinyapti.
Ey muborak Shom zaminidagi musulmonlar, xususan Hivron ahli!
Bu jinoyatchi rejim jangchi guruhlarning rahbarlari imzolagan mashʼum kelishuvdan soʼng olib borgan barcha urinishlarida muvaffaqiyatsizlikka uchragach, bugungi kunda Hivron shahri va qishloqlaridagi har qanday qoʼzgʼolon harakatlarini yoʼq qilishga va qayta oʼz hukmronligini oʼrnatishga bor kuchi bilan harakat qilyapti. Bu safar ayni ishni bevosita oʼz qoʼllari bilan emas, balki sizning farzandlaringiz qoʼli bilan bir-biringizga zarba berish hamda birligingizni parchalash uchun oʼzaro jangni keltirib chiqarish orqali bajarmoqchi. Chunki birligingiz oldindan koʼplab hamlalarda sabot va matonat bilan turishingizda sizga madad boʼlgan edi.
Ilgari bu rejim koʼplab josuslik ishlarini ustalik bilan bajardi. U oʼzi xohlagan ishlarini roʼyobga chiqarishiga yordam bergan juda koʼp kimsalarni safarbar qila oldi. Bas, yana ayni tuzoqqa tushib qolishdan ehtiyot boʼling, qonxoʼr rejimning makriga aldanib qolishdan hushyor boʼling.
Shuni bilingki, kimda-kim Аsad bilan yarashsa va uning bayrogʼi ostiga jamlansa, bas, ular na sizning tinchligingiz uchun, na farzandlaringiz tinchligi uchun va na tuprogʼingiz tinchligi uchun qaygʼuradi. Bu ularning quruq daʼvosi, xolos. Аxir, qoʼylarni boʼriga ishonib topshirib boʼladimi?!
Oʼzingiz koʼrib turibsiz, oʼzi daʼvo qilganidek, Hivronni «tozalash»ga chiqqan kishilar Hivronni Аsad rejimiga topshirishga imzo qoʼygan kimsalardir. Ular Shom qoʼzgʼolonini beshigidayoq boʼgʼizlash uchun fitnachi davlatlar bilan til biriktirgan kimsalarning aynan oʼzidir.
Shunday ekan, ey Hivron ahli!
Har doim ahdingizga sodiq boʼling. Аxir, qoʼzgʼolonning beshigi va qalqoni hamda mustahkam qalʼasi va fitnalar sindirolmaydigan xarsangtoshi sizlarsiz. Shunday boʼlgach, qonxoʼr rejimning razvedkachilari qoʼygan tuzoqqa tushib qolishdan hamda rejim orangizga tiqishtirayotgan oʼzaro oʼch olish va nafratni paydo qiladigan janglarga kirib ketishdan ehtiyot boʼling. Soʼnggi yillarda fosh boʼlib qolgan uning qoʼgʼirchoqlaridan hushyor boʼlib, bir vujudga aylaning. Farzandlaringizni jinoyatkor rejim va unga sotilgan guruhlarga qarshi qoʼying, shu orqali ahlingiz va ogʼa-iningiz orasidagi xolis insonlar safini mustahkamlang. Gʼoyamiz Аlloh Аzza va Jallani rozi qilish va diniga nusrat berish boʼlsin.
﴿هَذَا بَصَائِرُ مِنْ رَبِّكُمْ وَهُدًى وَرَحْمَةٌ لِقَوْمٍ يُؤْمِنُونَ﴾
«Bu iymon keltiradigan qavm uchun Robbingiz tarafidan koʼrsatma, hidoyat va rahmatdir»
[Аʼrof 203]

Hizb ut-Tahrirning
Suriyadagi matbuot boʼlimi
raisi Аhmad Аbdulvahhob

Javob qoldiring:

Iltimos, sharhingizni kiriting!
Iltimos, ismingizni bu yerga kiriting

Time limit is exhausted. Please reload CAPTCHA.