بِسْمِ اللهِ الرَّحْمٰنِ الرَّحِيمِ
Tunis prezidentlik apparati Hizb ut-Tahrir oldida magʼlub boʼldi
Hizb ut-Tahrir – Tunis viloyati matbuot boʼlimi bayonotida aytilishicha, «Hizbning Tunisdagi markaziy aloqalar qoʼmitasi delegatsiyasi 30 avgust seshanba kuni Tunis respublikasi prezidentligi qoshidagi strategik tadqiqotlar institutini ziyorat qildi. Ustoz Yosin ibn Yahyo raisligi va ustozlar Habib Madiniy bilan Muhammadali ibn Solim aʼzoligidagi delegatsiya ayni tashrifdan Hizb ut-Tahrir tomonidan yaqinda nashr qilingan «Kapitalistik Gʼarb mafkurasini sindirish, mabda, hazorat va saqofat) nomli kitobni taqdim etishni maqsad qilgan edi. Biroq, tinimsiz urinish va uzoq soʼzlashuvlarga qaramay, institut nozirlari kitob nusxasini olishdan bosh tortishdi. Аzbaroyi Gʼarb mafkurasi asoslarini buzuvchi taklifga duch kelishgani uchungina shunday qilishdi. Chunki ular oʼzlarini Gʼarbning yurtimizdagi posbonlari, deb hisoblashadi!
Bir vaqtning oʼzida, bu strategik tadqiqotlar instituti oʼzining yurtlarimizga Gʼarb tomonidan joylashtirilgan institutlari bilan hamkorlik qilishning hech qanday zarari yoʼq, deb biladi. Masalan, Germaniyaning (KAS) «Konrada Аdenauer Fondi» kabi. Hatto ish shu darajaga yetdiki, ushbu Tunis strategik tadqiqotlar instituti shu yot-begona gʼarbiy institut bilan 2020 yilda 20ta strategik tadqiqotni muvaffaqiyatli yakunlaganligi bilan faxrlanmoqda».
Matbuot bayonotida yana quyidagilar taʼkidlandi:
«Hizb ut-Tahrir – Tunis viloyati markaziy aloqalar qoʼmitasi maʼlum vaqtdan buyon mufakkirlar, universitet professorlari, u yerdagi Gʼarb sivilizatsiyasiga oshiq modernistik fikr posbonlari, asosan, universitetning gumanitar, insoniy fanlar va islomiy hazorat boʼlimi aʼzolari hamda Baytul Hikmat fondining qadrli aʼzolariga mazkur kitobni tarqatib kelayotgan edi. Hizb ut-Tahrir kapitalistik sistemaning buzuqligi va Islom sistemasining buyukligini yoritib berish uchun oʼzining ushbu faoliyati orqali Gʼarb saqofatiga maftun boʼlganlarni, ayniqsa, Baytul Hikmat fondi bilan respublika prezidentligi qoshidagi strategik tadqiqotlar instituti aʼzolarini fikriy bahsga chaqirmoqda. Toki, ular mustamlakachi Gʼarb mafkurasiga boʼlgan qaramlikdan oʼzlarini qutqarsinlar, Ummatlari bagʼriga qaytib, buyuk Islom sistemasiga yordam bersinlar va bu bilan Gʼarb mafkurasini tarqatish va uning himoyasi yoʼlida fidoiylik koʼrsatishdek oʼz gunohlariga kafforat qilsinlar».
Roya gazetasining 2022 yil 14 sentyabr chorshanba kungi 408-sonidan