بِسْمِ اللهِ الرَّحْمٰنِ الرَّحِيمِ
Falastin masalasi islomiydir, uni ozod etishga Islom Ummati javobgar
Ey muborak zamindagi ahlimiz!
Yahudiy vujudining jinoyatlari toʼxtamay davom etmoqda. Islomiy yurtlar hukmdorlari esa, yahudiy vujudi bilan uning bu jinoyatlarida til biriktirgan. Ularning jarchi ommaviy axborot vositalari ham hargiz sizlarning qoningiz va Аqso masjidingizni himoya qilmaydi. Bu – Turkiya, Eron, Misr, Qatar va boshqa islomiy yurtlar hukmdorlarning pozitsiyasi boʼlib, ularning barchasi jinoyatda bir xildirlar.
Falastin masalasining asosi Islomdir. Uni ozod etishga Islom Ummati va armiyalari javobgar. Shunday ekan, nidoingizni Ummatingizga qilib, ular orasidagi Salohiddinlar gʼayratini qoʼzgʼang. Ummatingiz va armiyalaringizga murojaat yoʼllab, jinoyatchi hukmdorlardan aloqangizni uzing, chunki Falastin masalasi va uning ahli uchun haqiqiy-tabiiy qoʼllab-quvvatlov Islom va uning Ummatida. Bu xoin rejimlarga ishonish va ularga suyanib, ulardan umid qilish aslo joiz emas.
Shuning uchun Islom Ummati va armiyasiga murojaat qilmayotgan yoki Ummat dushmanlaridan himoya soʼrayotgan har bir ovoz munkar ovozdir. Bunday ovozlardan maqsad, ozod etishga qodir haqiqiy toʼgʼri tomondan chalgʼitishdir. Bas, ushbu muborak zaminni ozod etish javobgarligi barcha musulmon yurtlaridagi zobit va askarlar zimmasida boʼlib, Falastin masalasi egalari oʼshalardir. Ularga murojaat qilmay, ularni istisno etib, Аmerikaga va xalqaro tashkilotlarga murojaat qilish misli koʼrilmagan eng katta xiyonatdir.
Roya gazetasining 2022 yil 14 sentyabr chorshanba kungi 408-sonidan
